Samsung компанияси янгиланган дастурий таъминот ишга туширилишини эълон қилди. Мазкур ДТ жанубий кореялик фойдаланувчиларга аккумуляторнинг тўсатдан ёниб кетиш ҳолатидан хавфсирамаган ҳолда Galaxy Note 7 телефонидан фойдаланишга ёрдам беради. Бу ҳақда Associated Press хабар берган.

Янгиланиш Galaxy Note 7 аккумуляторига бор-йўғи 60 фоизгача қувват олишга имкон беради, шу тариқа ёнғин ҳолати бартараф этилади ва телефон ёниб кетмайди. Бу ўз қурилмасини қайтариб бера олмаган фойдаланувчиларни кутилмаган ҳолатдан ҳимоялайди.

Янгиланган ДТ 20 сентябрь куни Жанубий Кореяда чиқади. Ундан қачон бошқа давлатлардаги Samsung қурилмаси фойдаланувчилари ҳам фойдаланиш имконига эга бўлиши ҳозирча номаълум.