БМТ Сурия мактаблари ва шифохоналарига ҳужумлар тўхтатилгани ҳақида маълум қилди

Жаҳон 15 Сентябрь 2016 3222

Сурияда ўт очишни тўхтатиш режими киритилгач, шифохоналар ва мактабларга ҳужумлар рўй бермаган ва кун давомида тинч аҳоли вакилларининг қурбон бўлиши билан боғлиқ ҳолат қайд этилмаган. Бу ҳақда журналистларга БМТнинг Сурия масаласи бўйича махсус вакили ёрдамчиси Ян Эгеланн маълум қилган.

"Яхши янгиликлар ҳам бор, бизнинг ҳудудлардаги кишиларимиз ҳарбий ҳаракатлар тўхтатилганини тасдиқлашмоқда. Қотилликлар сезиларли даражада камайган. Кейинги 24 соат давомида тинч аҳоли вакили ҳалок бўлишига алоқадор биронта ҳолат содир этилмаган. Мактаблар ва шифохоналарга ҳужумлар тўхтаган", деган у.

Эгеланнинг қўшимча қилишича, ёмон хабарлар ҳам бор бўлиб, БМТ ва ҳамкорлар инсонпарварлик ёрдамлари етказиб бериш учун "имкониятлар даричаси"дан фойдалана олмаяпти.

У инсонпарварлик ёрдамлари ортилган юк машиналари икки кундан буён Сурия билан чегарада кутиб тургани ва Дамашқ рухсат бериши биланоқ Суриядаги шаҳарларга йўл олишга тайёрлигини айтиб ўтган.

Ўз навбатида БМТнинг Сурия масаласи бўйича махсус вакили Стаффан де Мистура Дамашқ 6 сентябрь куниёқ бу борада рухсат бериши керак бўлгани, аммо шу вақтгача "бу қоғоз етиб келмагани" ҳақида билдирган.

"Бизнинг ҳафсаламиз пир бўлмоқдами? Албатта, биз жуда қаттиқ хафамиз… Бугун мажлисда ўтирган Россиянинг Суриядаги инсонпарварлик масалалари бўйича катта гуруҳи вакиллари ҳам хафа. Рухсат берилган мактуб етиб келмаяпти. Биз тезроқ ҳаракатланишимиз ва Кастелло йўлига махсус мақом берилишига эришишимиз керак", — деган де Мистура.

У шу билан биргаликда Туркия ўз ҳудуди орқали Сурияга инсонпарварлик ёрдамлари етказиб берилишида зарур барча шароитларни яратиб бергани ҳақида эътироф этиб ўтган.

Кун янгиликлари
Рамазон ойида тўғри таомланиш учун фойдали маслаҳатлар
14:44 / 26.05.2017 66579 Жамият
Бемор қизчага ёрдам керак. Ҳар эшикдан қайтарилган оила учун хайрия акцияси
19:25 / 16.05.2017 138685 Жамият
2018 йилги G7 саммитини Канада қабул қилади
00:07 70 Жаҳон
«Қадимий Бухоро» сайёҳлик ҳудуди барпо этишда Алишер Усмонов ҳам иштирок этади
Wenger in. «Арсенал» йил ўйинида кубокка эга бўлди
00:03 269 Спорт
Ўзбекистонда GTA, Mortal kombat каби зўравонликни тарғиб қилувчи 34 та ўйин тақиқланди
23:39 / 27.05.2017 2254 Ўзбекистон
Туркияда 5 баллдан зиёд магнитудали зилзила бўлди
23:09 / 27.05.2017 1325 Жамият
Руҳоний АҚШ ва Саудия Арабистонининг Яқин Шарқдаги ҳаракатларини танқид қилди
22:49 / 27.05.2017 1627 Жаҳон
Telegram асосчиси почтаси бузилиши мумкинлигидан огоҳлантирилди
22:13 / 27.05.2017 2265 Технология
Бухоро шаҳри ва Бухоро вилояти сайёҳлик салоҳияти ривожлантирилади
22:07 / 27.05.2017 1147 Ўзбекистон
Кўпроқ янгиликлар