Бутунжаҳон аксилдопинг агентлиги WADA’нинг маълумотлар базаси АДАМС’ни бузиб кирган хакерлар ўз ғалабаларини тақиқланган кимёвий воситалар остида қўлга киритган спортчилар рўйхатини чоп этди.

Рўйхатдан Буюк Британия, Дания, Австралия, Испания ва Германиядан 11 спортчи жой олди. Рўйхат Fancy Bears хакерлик ташкилоти сайтида жойлаштирилган.

Спортчининг номи билан аталган ҳар бир файлда АДАМС’дан олинган ҳужжат киритилган. Рўйхатда бокс бўйича 2016 йилги Олимпиада чемпиони, британиялик Никола Адамс номи ҳам бор. У учта тақиқланган восита қабул қилган.

Рўйхатда шунингдек сузиш бўйича 2016 йилги Олимпиада олтин ва бронза медаллари соҳибаси Мирея Бельмонте, велоспорт бўйича чемпион Лора Тротт ва Австралия, Дания ва Германиядан яна 8 нафар спортчи бор. 

Спортчиларнинг тақиқланган воситаларни қабул қилишининг ҳар бир ҳолатида у ёки бу допингни қабул қилишга тиббий кўрсатмаларга кўра рухсат берилган. Ғарб спорт амалдорлари маълумотлар базасини бузиб киришда Россияни айбламоқда. Кремль эса бу айбловларни рад этмоқда.