Putin: MDHni to‘laqonli xalqaro tashkilot sifatida saqlab qolish kerak

MDHni to‘laqonli xalqaro tashkilot sifatida saqlab qolish lozim, bunga deyarli barcha Hamdo‘stlik davlatlari yetakchilarining ishonchi komil. Bu haqida Rossiya prezidenti Vladimir Putin Qirg‘izistonga amalga oshirgan tashrifi yakuni bo‘yicha jurnalistlarga ma'lum qildi. 

"MDH sammitining 25 yilligiga biz (Hamdo‘stlik mamlakatlari) MDHni to‘laqonli xalqaro tashkilot sifatida saqlab qolish zarurligiga doir yakdillik bilan yondashdik. Bundan tashqari, barcha, shu jumladan men ham MDHdagi parallel tuzilmalar hech narsaga olib kelmaydi, deb hisoblayman. Oldinga qarab harakatlanishga halaqit berayotgan hamma narsa mamlakatlarimiz qarshisida turgan aniq bir muammoni hal qilishga yo‘naltiruvchi boshqa bir shaklga ega bo‘lishi kerak", - dedi Putin.