AQSh politsiyasi Nyu-York shahrida yana bir portlovchi qurilmani aniqladi. Ayni vaqtda tekshiruvlar davom ettirilmoqda.
Shanba kuni kechqurun Manxetten tumani, Chelsi dahasi yaqinida kuchli portlash sodir bo‘ldi. Terrorchilar ko‘plab do‘konlar, restoranlar, barlar joylashgan hududn tanlashgan. Portlash vaqtida hududda odamlar ko‘p bo‘lgan.
Portlash shahardagi 6-avenyu va 23-ko‘cha burchagidagi xonadon yaqinida ro‘y bergan.
Portlash oqibatida 29 kishi jabrlangan, ulardan biri og‘ir ahvolda qolmoqda.
Bundan oldinroq tekshiruvlar davomida hududda harakatga keltirilmagan qo‘lbola portlovchi qurilma aniqlangan va sapyorlar tomonidan portlatilgani ma'lum bo‘lgandi.
