Миср қирғоқлари яқинида бортига африкалик 600 нафар қочқин чиққан кема ағдарилиб кетди. Бу ҳақда Миср ҳукуматига асосланган ҳолда Associated Press хабар берган.

Аниқлик киритилишича, бу ҳодиса оқибатида 30 киши ҳалок бўлди. Шу билан биргаликда қурбонлар сони ортиши мумкинлиги истисно этилмаяпти.

Бундан ташқари, сувдан 180 киши қутқариб олинган.

Айни вақтда бедарак кетганларни қидириш ишлари давом этмоқда.

Бу кема Ливиядан йўлга чиққанди. Ҳалокатга унинг бортига ҳаддан ортиқ йўловчи чиққани сабаб бўлган.