2016 йилнинг 23 сентябрь куни БМТ Бош Ассамблеясининг 71-сессиясида иштирок этаётган Ўзбекистон Республикаси Ташқи ишлар вазири Абдулазиз Комилов бошчилигидаги делегация Бирлашган Араб Амирликларининг Ташқи ишлар ва халқаро ҳамкорлик вазири Шайх Абдулла бин Заид Ал Наҳаян билан учрашув ўтказди. Бу ҳақда Ўзбекистон ТИВ матбуот хизмати хабар бермоқда.

Суҳбат давомида икки томонлама муносабатлар ҳолати ва ривожлантириш истиқболлари муҳокама қилинди, шунингдек БМТ доирасидаги алоқалар ва Ислом ҳамкорлик ташкилотига аъзо давлатлар Ташқи ишлар вазирлари кенгашининг Тошкент шаҳрида бўлиб ўтадиган мажлиси нуқтайи назаридан ИҲТ доирасидаги ҳамкорлик кўриб чиқилди.