Қирғизистон ташқи ишлар вазирлиги БМТга ЕХҲТ устидан шикоят қилди

Жаҳон 25 Сентябрь 2016 11871
Фото: un.org

Қирғизистон ташқи ишлар вазири Эрлан Абдилдаев Европа хавфсизлик ва ҳамкорлик ташкилотининг Демократия ва инсон ҳуқуқлари бўйича бюроси 2010 йилда Қирғизистонда миллатлараро тартибсизликларни ташкиллаштиришда сиртдан айбдор деб топилган Қодиржон Ботировга нутқ сўзлаш учун имконият берганини Қирғизистон халқига билдирилган "ўта ҳурматсизлик белгиси" деб атади. Вазир бундай баёнот билан БМТ Бош ассамблеясидаги умумсиёсий муҳокамада чиқди.

"Биз бюронинг бу хатти-ҳаракатларини нафақат Қирғизистон суд тизимига, балки бутун Қирғизистон халқига ўта ҳурматсизлик белгиси деб ҳисоблаймиз. Биз буни асл демократияни қуришдаги машаққатли ва мураккаб йўлдан кетаётган Қирғизистонга нисбатан чақириқ деб баҳолаймиз", деб айтди Абдилдаев.

Унинг айтишича, бюронинг йиғилишлари бу тариқа ўта оғир жиноятларни содир этган жиноий элементлар ҳам гапириш ҳуқуқига эга бўладиган майдончага айланиб қолади. "Агар бугунги кунда бюро Қирғизистон ва бошқа давлатларга бундай муносабатда бўлса, унда унинг бўлғуси тадбирларида инсониятга қарши бутун дунёни даҳшатга солган жиноятлар ботқоғига ботган ИШИД террорчилари вакиллари ҳам иштирок этади", деб огоҳлантирди вазир.

Абдилдаев Қирғизистон "ЕХҲТнинг демократик қадриятларини тўлиқ ҳурмат қилиши ва амалга оширишини", бироқ иккилик стандартлари ва "бу ташкилотнинг мустақил давлатларнинг ички ишларига аралашиш ва иғволар институтига айланишига" қарши эканлигини айтди.

Қирғизистонда ўзбеклар ва қирғизлар ўртасидаги миллатлараро тўқнашувлар Қирғизистоннинг икки жанубий вилоятида 2010 йилнинг июнида бир неча кун давом этган. Ихтилоф вақтида деярли 500 киши ўлдирилган ва 2 минг киши яраланган. Бундан ташқари, 2 мингта маъмурий, давлат ва хусусий иншоотлар вайрон қилинган ва ёқиб юборилган. Қирғизистон суди давлат чегараларини тарк этишга муваффақ бўлган Ботировни сиртдан ихтилофнинг ташкилотчиларидан бири деб топган ва уни узоқ йиллик қамоқ жазосига маҳкум қилган. 

23 сентябрда Қирғизистон бюрога ушбу ҳолат юзасидан расмий норозилик билдирди. Шунингдек, 22 сентябрда Нью-Йоркда Абдилдаевнинг ЕХҲТ бош котиби Ламберто Занньер билан учрашуви бўлиб ўтди ва унда бюронинг ҳаракатларидан норозилик билдирилди.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 24973 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 54854 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 65315 Жамият
Янги iPhone нефть ва қайин қобиғидан ясалган корпусга эга бўлади
Саудия Арабистони ва Хитой 20 млрд долларлик инвестиция жамғармасини ташкил этади
Хитой шимолида жуда йирик газ кони топилди
15:34 199 Жаҳон
Қатар Россия билан ҳарбий-техник ҳамкорлик тўғрисида битим тузиши мумкин
15:24 506 Жаҳон
Қозоғистон БМТ Хавфсизлик Кенгашини ислоҳ қилиш таклифи билан чиқди
15:22 352 Жаҳон
Ўзбекистон ва Ҳиндистон ўртасида 150 млн долларлик 42та ҳужжат имзоланди
АҚШ ҳукумати Amazon’нинг 13,7 млрд долларлик харидини маъқуллади
Кўпроқ янгиликлар