Россия ташқи ишлар вазирлиги ўзининг расмий сайтида Россия ва АҚШнинг Сурия бўйича келишув матнини чоп этди. 

ТИВ изоҳида таъкидланишича, Ғарб ОАВда шунга доир хабарлар чиқа бошлаганидан кейингина АҚШ давлат департаменти мақола санасини Россия билан мувофиқлаштириб ўтирмай, ҳужжатларнинг бир қисмини ўз сайтида жойлаштирган. Россия ҳам, ўз ўрнида, келишувнинг рус тилидаги матнини чоп этди. 

Шунингдек Россия ташқи ишлар вазирлиги АҚШни Сурия бўйича келишувларининг бутун пакетини чоп этишга чақирди.