Ижтимоий тармоқларда Ўзбекистоннинг биринчи президенти Ислом Каримов ҳаётига бағишланган ҳужжатли фильмдан парча тарқатилди. Журналист Комилжон Шамсиддинов муаллифлигида ҳамда Акром Маҳкамов режиссёрлигида суратга олинган бу "Эъзоз" номли фильмдан олинган бу парчада Ислом Каримов ўз устози билан учрашгани кўрсатилган.

1999 йилнинг 22 декабри. Ҳукумат мажлисларидан бирида 90 ёшга яқинлашган отахон оташин нутқ сўзлади. 

“Мен 63 йил ўқитувчилик қилдим, орадан 45 йил ўтиб, ўқувчиларим, яъни сизнинг синфдошларингизнинг умумий тушган суратини тақдим этаман”. 

У шундай деб Ўзбекистон Республикасининг Биринчи Президенти Ислом Каримовга ўзи билан олиб келган фотожамланмани тақдим этди. Бутун зални қарсак, олқиш овози тутди.

Бу Ислом Каримовни ўқитган, унга ҳарф танитган, илм йўлида қўлини тутган устози эди...