AQSh prezidentligi uchun respublikachilar partiyasidan nomzod bo‘lmish Donald Trampning boyligi ayni vaqtda 3,7 mlrd dollarni tashkil qiladi. Bu esa 1 yil oldingidan 800 mln dollarga kamroq. Bu ma'lumot Forbes jurnali tomonidan keltirilgan.
Nashr xabariga ko‘ra, Trampning boyligi kamayishiga Nyu-York bozorida ko‘chmas mulkning arzonlashuvi tufaylidir. Jurnal ma'lumotiga ko‘ra, bu yilda milliarderning 28ta aktivlaridan 18tasining qiymati tushgan.
Xususan, Beshinchi avenyudagi "Tramp-tauer", Uoll-stritdagi 70 qavatli bino, "Tramp-bilding", Palm-bichdagi (Florida shtati) "Mar-o-Lago" nomli plyaj klubi shular jumlasidandir.
Xabar qilinishicha, Tramp yuristlari maslahati bilan o‘z soliq hisobotlari haqidagi ma'lumotlarni e'lon qilishni istamagan.