AQSh Rossiyani ekstremistlarning xuruji kuchayishi bilan qo‘rqitdi

AQSh Davlat departamentining rasmiy vakili Jon Kirbi rasmiy Moskvani ekstremistlarning Rossiya shaharlariga hujumi va Suriyada harbiylarini yo‘qotishi bilan qo‘rqitmoqchi bo‘ldi. 

"Oqibatlar shunday bo‘ladi: Suriyadagi fuqarolik urushi davom etadi, ekstremistlar, ularning guruhlari mamlakatdagi hokimiyat bo‘shlig‘idan o‘z amaliyotlarini kengaytirishda foydalanadi, albatta ular Rossiya manfaatlariga xuruj qilishadi — bu shubhasiz — ehtimol, balki Rossiya shaharlari ham nishonga olinar. Va Rossiya harbiylarini o‘liklar uchun qoplarda uylariga jo‘natishni davom ettiradi hamda  rossiyaliklar zaxiralarini yo‘qota boshlaydi, balki yana samolyotlaridan ham ayrilar", — degan Kirbi, Suriyadagi zo‘ravonliklarning ehtimoliy oqibatlari xususida berilgan savolga. 

Ta'kidlash joizki, AQSh "zo‘ravonlik" so‘zini odatda Rossiya tomonidan qo‘llab-quvvatlanayotgan Suriya armiyasining terrorchi va jangarilarga nisbatan harakatlarini izohlashda qo‘llaydi.