АҚШ Россияни экстремистларнинг хуружи кучайиши билан қўрқитди

Жаҳон 29 Сентябрь 2016 6560

АҚШ Давлат департаментининг расмий вакили Жон Кирби расмий Москвани экстремистларнинг Россия шаҳарларига ҳужуми ва Сурияда ҳарбийларини йўқотиши билан қўрқитмоқчи бўлди. 

"Оқибатлар шундай бўлади: Суриядаги фуқаролик уруши давом этади, экстремистлар, уларнинг гуруҳлари мамлакатдаги ҳокимият бўшлиғидан ўз амалиётларини кенгайтиришда фойдаланади, албатта улар Россия манфаатларига хуруж қилишади — бу шубҳасиз — эҳтимол, балки Россия шаҳарлари ҳам нишонга олинар. Ва Россия ҳарбийларини ўликлар учун қопларда уйларига жўнатишни давом эттиради ҳамда  россияликлар захираларини йўқота бошлайди, балки яна самолётларидан ҳам айрилар", — деган Кирби, Суриядаги зўравонликларнинг эҳтимолий оқибатлари хусусида берилган саволга. 

Таъкидлаш жоизки, АҚШ "зўравонлик" сўзини одатда Россия томонидан қўллаб-қувватланаётган Сурия армиясининг террорчи ва жангариларга нисбатан ҳаракатларини изоҳлашда қўллайди. 

Кўпроқ янгиликлар