Нуфузли USA Today нашри Трамп учун овоз бермасликка чақирди

Жаҳон 30 Сентябрь 2016 4182

Адади 7 миллион нусха бўлган, Американинг умуммиллий нашрларидан бири ҳисобланмиш USA Today газетаси ўз ўқувчиларини мамлакат президентлиги учун сайловда республикачилар партияси номзоди Дональд Трамп учун овоз бермасликка чақирди.

Қайд этиш керакки, АҚШ сайловларида нуфузли нашрларнинг қўллаб-қувватлаши муҳим аҳамиятга эга ҳисобланади.

USA Today нашрининг таҳририяти мақоласида Трамп қаттиқ танқид қилинган.

"Таҳририятнинг якдил фикрига кўра, Трамп АҚШ президентлиги учун муносиб эмас", дейилади мақолада.

"Трамп бир неча марта намойиш қилдики, унда Америка президенти учун керак бўладиган темперамент (мижоз), билимлар, қатъият ва ҳалоллик йўқ", дея ёзган газета.

Хусусан, Трамп АҚШнинг НАТОдаги вазифа ва мажбуриятларга амал қилмоқчи эмаслиги, "Россия агрессияси"га қарши курашмоқчи эмаслиги учун айбланган.

Бундан ташқари, газетадагилар Трамп турли масалалардаги позициясини доимий равишда ўзгартириб боришига диққатни тортган. У мамлакатнинг биринчи қўмондони бўлишга ярамаслиги, ўзини бизнесмен сифатида ҳам яхши кўрсата олмагани, ўз тилига эҳтиёт бўлмаслиги ва ёлғонлардан доимий равишда фойдаланиши таъкидлаб ўтилган.

USA Today Трампни сиёсий лаёқатсизликда айблаган.

"У аввалбошдан ўз сайловолди кампаниясини тоқатсизлик ва нафрат асосига қурди. У мексикаликлар, мусулмонлар ва муҳожирларга салбий муносабатини яшириб ўтирмади", дея ҳисоблайди нашр. Бундан ташқари, журналистлар уни расизм ва мизогинликда (аёлларни хуш кўрмаслик) айблайди. Унинг Барак Обама АҚШда туғилмагани ва президент бўлишга ҳақли бўлмаганини айтиш орқали, ўз тоқатсизлигини намойиш этгани эслаб ўтилган.

Американинг бу нуфузли нашри Трампни бутунлай инкор қилар экан, камчиликлардан холи бўлмасада, Демократик партия номзоди Ҳиллари Клинтон учун овоз беришга чақирган.

Кун янгиликлари
Соч тўкилиши нега ёшариб кетмоқда – мутахассис жавоб беради
10:01 / 16.08.2017 66470 Жамият
Кун.uz офис изламоқда
15:48 / 06.08.2017 36830 Lifestyle
Ўзбекистон Бадиий академияси фаолиятини ривожлантиришга доир қарор қабул қилинди
Ўзбекистон ва Қирғизистон ўртасидаги товар айланмаси 1,8 маротабага ошди
23:59 / 16.08.2017 185 Иқтисодиёт
Германияда жўнатмалар ўз эгаларига Ford электр фургонларида етказилади
23:50 / 16.08.2017 165 Технология
Президент таълим тизимидаги ислоҳотларнинг бориши бўйича мажлис ўтказди
23:49 / 16.08.2017 1700 Ўзбекистон
АҚШнинг собиқ президентлари Шарлоттсвилл воқеаларига муносабат билдиришди
23:46 / 16.08.2017 450 Жаҳон
Туркия Германиядан FETÖ раҳбарларидан бирининг топширилишини талаб қилмоқда
23:42 / 16.08.2017 304 Жаҳон
Ўзбекистон ва Қирғизистон чегараси ҳудудидаги зиддиятлар камаяди
23:40 / 16.08.2017 1038 Ўзбекистон
Маккада Каъба ёпинғичи – Кисванинг кўргазмаси очилди
23:20 / 16.08.2017 1702 Жамият
Кўпроқ янгиликлар