Саудия Арабистони хорижликларга мамлакатдан чиқиш учун тўлов киритди

Жаҳон 03 Октябрь 2016 7534

Саудия Арабистони нефтдан тушадиган даромадлар камайгани сабабли виза йиғимлари қийматини анча оширди. БААнинг Gulf News нашри хабар беришича, энди хорижликлар нафақат мамлакатга кириш учун, балки ундан чиқиш учун ҳам ҳақ тўлайдилар.

Нашр маълумотларига кўра, Саудия Арабистонини тарк этмоқчи бўлган ҳар бир хорижлик 50 долларга яқин ҳақ тўлаши керак бўлади. Ҳозирда 80 доллар бўлган транзит визаси ҳам ошди, денгиз саёҳатларида порт инфратузилмасидан фойдаланганлик учун бир кишига 13 доллар қийматда йиғим тўланади.

Нашрнинг ёзишича, Саудия Арабистонига икки ойлик бир марталик кириш визаси нархи 10 баробарга, яъни 50 доллардан 530 долларгача ошди. Қиролликда бўлган меҳмон ҳар бир қўшимча ой учун 26 доллар тўлаши керак бўлади. Шу билан бирга зиёратчилар учун қиролликка биринчи сафар бепул бўлади. 

Саудия Арабистони ҳукумати бюджет даромадларини ошириш борасида меҳнат муҳожирлари учун кириш ҳужжатларини расмийлаштиришдан олинадиган йиғимларга умид билан қарамоқда. Янги қоидаларга кўра, Саудия Арабистонига кириш учун хорижий ишчилар 80 доллар тўлаши керак бўлади, ярим йиллик ишчи виза 800, йиллик – 1333 ва икки йиллик ишчи виза 2133 доллар туради.  

Саудия Арабистони муҳожирлар сони бўйича дунёда 4-ўринни эгаллайди, уларнинг мамлакатдаги сони 9,1 млн кишини ташкил қилади. Шундан келиб чиққан ҳолда, қироллик доимий яшовчи хорижликлар учун визанинг ўзидан йилига камида 12 млрд доллар ишлаб топиши мумкин.  

 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27415 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14441 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55618 Жамият
Мадуро Венесуэладаги сиёсий инқирозни фақат тинч йўл билан ҳал қилиш мумкинлигини айтди
23:36 16 Жаҳон
Миробод бозорида пулларни нақдловчи банкомат ишга тушди
23:18 810 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 665 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 537 Жаҳон
Маошни оширишни қачон сўраган маъқул?
22:47 1843 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 4364 Жаҳон
Xiaomi янги ҳамёнбоп смартфонини тақдим этди
Кўпроқ янгиликлар