Сурияга Арманистоннинг илк гуманитар самолёти келиб қўнди

Жаҳон 04 Октябрь 2016 2633

4 октябрь куни Суриядаги Хмеймим авиабазасига Арманистоннинг гуманитар юк ортилган илк самолёти келиб қўнди. Бу ҳақда Арманистон ташқи ишлар вазирлиги хабар бермоқда.

"Аэропортда юкларни Арманистоннинг Ҳалабдаги бош консули ва Россия ҳарбий базаси қўмондони кутиб олишди", — деб хабар берилган Арманистон ТИВнинг Twitter ижтимоий тармоғидаги расмий микроблогида. 

Мамлакат ташқи ишлар вазирлиги юкларни етказишга ёрдам бергани учун Россия ташқи ишлар ва мудофаа вазирлигига миннатдорчилик билдирган.

Арманистон ОАВ маълумотига кўра, Ил-76 транспорт самолёти Арманистондан Ҳалабга 20 тонна гуманитар ёрдам олиб борган. Ушбу юк озиқ-овқат маҳсулотлари, хусусан, ун, шакар, сабзавот, мева ва гўшт консерваси маҳсулотларидан иборатдир.

Аввалроқ Арманистон президенти Серж Саргсян Сурияга гуманитар юк ортилган иккита самолёт жўнатиш ҳақида буйруқ берган эди. Мазкур қарор Ҳалабдаги арманлар яшайдиган туман - Нор Гюх ва Вилланерга террорчи гуруҳлар томонидан ракета зарбалари берилгач, қабул қилинди. Ҳужум оқибатида 5 нафар арман ҳалок бўлган эди.

Суриядаги арман диаспораси мамлакатдаги энг йирикларидан ҳисобланади. Арманлар ижтимоий, сиёсий ва маданий ҳаётда муҳим ўринни эгаллашади. Уларнинг аксари 1915 йилда Усмонлилар қирғинидан қочиб Туркиядан Сурияга ўтган арманларнинг авлодлари ҳисобланади. Сурия арманларининг асосий қисми Ҳалабда истиқомат қилади (60 мингдан ортиқ киши). Дамашқда 7 мингдан ортиқ арман бор, шунингдек, Латақия, Кесабе ва Ал-Қамишлида арманлар яшайди. Сурияда сиёсий инқироз бошлангач, 90 мингдан ортиқ арман мамлакатни тарк этгани айтилади.

Сурия ҳукумати ва турли жангари гуруҳлар ўртасидаги низолар 2011 йилнинг мартидан буён давом этиб келмоқда. БМТ маълумотларига кўра, шу вақтгача қуролли можаролар 220 мингдан ортиқ кишининг ёстиғини қуритган.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 28622 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 15326 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 56438 Жамият
«Ўзбекистон ҳаво йўллари» Украина банки сабаб ярим миллион долларсиз қолди
Пекин Вашингтонни Хитой компанияларга қарши санкцияларни бекор қилишга чақирди
00:40 2090 Жаҳон
Reuters: АҚШ Мисрга ҳарбий ёрдам бермайдиган бўлди
00:34 1626 Жаҳон
Германияда Трамп боши шаклидаги гиёҳванд моддали таблеткалар аниқланди
00:21 1620 Жаҳон
Сербия Ҳиндистон ва Эрон фуқаролари учун визани бекор қилди
00:18 1271 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 1888 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 2526 Спорт
Кўпроқ янгиликлар