Foto: ABC News
Pokiston janubi-g‘arbida, Kvettdan Ravalpindiga harakatlanayotgan yo‘lovchi poyezdida kuchli portlash ro‘y berdi.
ABC News xabariga ko‘ra, kuchli portlash oqibatida kamida 6 kishi halok bo‘lib, 19 kishi kishi turli darajada jarohatlangan.
Aniqlik kiritilishicha, bomba poyezd Belujiston viloyati hududidagi Maha qishlog‘i yaqinidan o‘tayotganda portlagan.
Pokiston temir yo‘l vaziri Havaj Saad Rafiq bu hodisani terakt sifatida baholagan.
Hozircha hech bir tashkilot ushbu portlash uchun javobgarlikni o‘z zimmasiga olmagan.
