АҚШнинг собиқ давлат котиби Кондолиза Райс фейсбукдаги саҳифасида миллиардер Дональд Трампни АҚШ президенти лавозимига сайловларда Республикачилар партияси номзоди сифатида тақдим қилинишига қарши чиқди.

"Етар! Дональд Трамп президент бўлиши керакмас. У ўз номзодини қайтариб олиши керак", деб ёзган Райс.

Райс, шунингдек, республикачи сифатида "шаъни бор ва Ердаги энг буюк демократиянинг энг юқори лавозимини эгаллаш кўламига" эга номзодни қўллаб-қувватламоқчи эканлигини таъкидлаб ўтди.   

Бундан аввалроқ Трамп президентлик пойгасидан ҳеч қачон чиқмаслигини айтиб ўтгганди.