Фёдор Емельяненконинг балоғатга етмаган қизига тажовуз қилинган

Спорт 12 Октябрь 2016 33744
Фото: «Коммерсантъ»

Москвада қоидасиз жанглар бўйича 8 карра ва самбо бўйича 9 карра жаҳон чемпиони Фёдор Емельяненконинг 9 ёшли қизига ҳужум қилинди. Воқеа ўтган ҳафта охирида юз берган, бироқ у ҳақда эндигина маълум бўлган. Бу ҳақда "Московский комсомолец" нашри хабар бермоқда. 

Нашр мухбири ҳужум 9 октябрда содир этилганини маълум қилган. Унинг айтишича, бўлган воқеани яширишга "кўрсатма" берилган.  

Маълумотларга кўра, Емельяненко қизи Валентина мактабдан қайтаётганда унга номаълум кимса ҳужум қилган ва кўкрагига урган. Бундай зарба ички аъзоларни ташқи жароҳатларсиз шикастлаш учун берилган бўлиши мумкин.

Бир муддат ўтгач, қиз болалар шошилинч жарроҳлиги ва травматологияси илмий-тадқиқот институтига етказилган. Текширувдан кейин шифокорлар унга "кўкрак қафаси ва қорин бўшлиғи шикастланиши" ташхиси қўйишган.

Нашрда ҳуқуқ-тартибот муассасалари ходимлари билан суҳбатда таъкидланишича, Валентинанинг ҳужумдан кейинги хатти-ҳаракатларига нисбатан баъзи саволлар пайдо бўлган: қизча унга ҳужум қилганларни таърифлаб бера олмаган ва гўёки ниманидир яшираётгандек кўринган. Полициячиларнинг айтишича, босқинчилар қизни чўчитган бўлиши мумкин.   

Бу орада илмий-тадқиқот институти "Р-Спорт" нашрига эркак томонидан урилган қизча келтирилганини маълум қилган. Институтда қизнинг исми айтилган, бироқ ОАВ ҳақидаги қонунга кўра нашр унинг исмини ошкор қилолмайди. Нашр маълумотларига кўра, гап 16 ёшли қиз ҳақида бормоқда. Бироқ "Московский комсомольец" мухбирининг айтишича, Емельяненконинг жабрланган қизи 9 ёшда.

Қайд этиш керакки, бу ҳодиса Емельяненко ва Чеченистон раҳбари Рамзон Қодиров яқин атрофидагилар ўртасида чиққан низо фонида юз берди. 5 октябрда Емельяненко Грознийда ўтган ММА мусобақасини танқид остига олганди. Собиқ жаҳон чемпиони мусобақада ёш болаларнинг кўргазмали жанглари ҳақиқийга яқин бўлгани, болаларга ҳимояловчи воситалар берилмаганини танқид қилганди ва бундай жангларга йўл қўйиб бўлмаслигини айтганди. Мусобақада жумладан Қодировнинг 10, 9 ва 8 ёшли 3 нафар ўғли ҳам иштирок этган.

Емельяненконинг бу гаплари Қодировнинг яқинлари томонидан ҳақоратдек қабул қилинган. Жумладан, унинг амакиваччаси, Россия думаси депутати Адам Делимханов Емельяненкога дўқ-пўписа қилган. 

Қодировнинг ўзи 7 октябрда Емельяненко ўз хатосини англаганини айтиб, "рус баҳодирини" ҳақорат қилмасликка чақирган.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 22648 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 24744 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12756 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 54036 Жамият
Тиббиётдаги энг хавфли 10 жараён
19:31 845 Lifestyle
Шавкат Мирзиёев Қирғизистонга ташриф буюради
Lamborghini машинаси ўғирланган куниёқ ёниб кетди
Россиянинг яна бир шаҳрида Ўзбекистон бош консуллиги очилади
19:23 1121 Жаҳон
Оммавий маданиятга қарши курашамиз деб, оломон маданиятини яратиб қўймадикми?
19:17 981 Жамият
Қирғизистонга қарши ўйинга мухлислар киритилмаслигига расман изоҳ берилди
19:14 2525 Спорт
Кўпроқ янгиликлар