Ўз итига татуировка қилдирган бразилиялик бешафқатликда айбланди

Жамият 17 Октябрь 2016 7456
Фото: CEN

Бразилияда тату-салонда итининг тумшуғига бир нечта татуларни туширтирган эркак ҳайвонлар билан шафқатсиз муомалада бўлишда айбланди. Бу ҳақда Metro хабар бермоқда

Нашр маълумотларига кўра, буни қилган Эмерсон Дамасено ўз итининг суратини фейсбукда чоп этган. Суратда итнинг тумшуғи ва қулоқларига 5 та тату туширилганини кўриш мумкин. Эркак итнинг ташқи кўринишидан ҳайратланган фойдаланувчилар томондан танқидга учрагач, аккаунтини ўчириб ташлашига тўғри келган.  

Дамасенонинг айтишича, танадаги суратлар итини касалликлардан ҳимоя қилади. Дамасенони ҳимоялашга ўтган унинг севгилиси итга тату туширилишдан аввал у ветеринар текширувига олиб борилганини маълум қилди.  

Июлда Pokemon GO ўйинининг мухлиси ўз итини покемон Пикачуга ўхшаш бўлиши учун сариқ ва қора рангларга бўяб чиққани маълум бўлганди. Бу итни сайр вақтида учратган Элихади Жастин Юрасса исмли фойдаланувчи унинг бу алфоздаги суратини фейсбукдаги саҳифасида чоп этган.

 

Кўпроқ янгиликлар