Андижон вилоятининг барча туман ва шаҳарларида Республика ишчи гуруҳи аъзолари билан ёшларнинг ижтимоий кайфияти, муаммолари ва таклиф-истакларини ўрганиш мақсадида очиқ мулоқотлар бўлиб ўтмоқда.

17-20 октябрь кунлари ташкил этилган учрашувларнинг икки куни давомида Хонобод шаҳри, Андижон, Олтинкўл, Асака, Балиқчи, Бўз, Жалолқудуқ, Избоскан, Марҳамат ва Булоқбоши туманларининг ёш авлод вакиллари Республика “Камолот” ЁИҲ фаоллари, таниқли адиблар – шоир ва ёзувчилар, санъат ва спорт намоёндалари билан учрашдилар.

Мулоқотларда барча ёшлар қатламлари вакиллари, жумладан, ёш тадбиркор ва фермерлар, “Камолот” етакчилари ва фаоллари, фан олимпиадаси ғолиблари, спортчилар, ижодкор ёшлар, ёш ўқитувчилар, корхоналарда фаолият олиб бораётган ёшлар қатнашмоқда.

Машваратлар давомида фаол ёшларимиз ишчи гуруҳига ўзларида мавжуд муаммо ва таклифларини тақдим этишмоқда.

Избоскан туманидаги маданият ва аҳоли дам олиш масканида ўтказилган ана шундай учрашувда Андижон вилоят ҳокими биринчи ўринбосари Махамаджан Нишанов, Ўзбекистон халқ артисти Озодбек Назарбеков, Ўзбекистонда хизмат кўрсатган маданият ходими, “Ўзбеккино” Миллий агентлиги актёри Абдухалил Мингнаровлар иштирок этдилар.

 

Элмурод Эрматов, Андижон