Ўзбекистон ва Жазоир ўртасида ҳамкорлик масалалари муҳокама қилинди

Ўзбекистон 20 Октябрь 2016 2581

2016 йилнинг 20 октябрь куни Ўзбекистон Республикаси Ташқи ишлар вазирлигида Ислом ҳамкорлик ташкилоти Ташқи ишлар вазирлари кенгашининг 43-сессиясида иштирок этиш учун Тошкент шаҳрига келган Жазоир Халқ Демократик Республикаси Ташқи ишлар вазирлигининг Бош котиби Ҳасан Рабеҳи билан учрашув бўлиб ўтди. Бу ҳақда Ўзбекистон ТИВ матбуот хизмати хабар берган.

Ҳасан Рабеҳи ИҲТ ТИВК 43-сессиясининг самарали якунлангани билан Ўзбекистон томонини табриклаган ва ташкилотга аъзо давлатлар учун муҳим бўлган "Таълим ва маърифат – тинчлик ва бунёдкорлик йўли" шиори остидаги раисликни муваффақиятли ўтказишни тилаган. Суҳбат чоғида икки ва кўп томонлама шакллардаги ҳамкорликнинг долзарб масалалари муҳокама қилинган.

Мулоқот давомида муносабатларни сиёсий, савдо-иқтисодий, маданий-гуманитар ва бошқа соҳаларда изчил ривожлантиришдан икки томон ҳам бирдек манфаатдор эканлиги таъкидланди, зеро Ўзбекистон-Жазоир алоқаларининг мустаҳкам шартномавий-ҳуқуқий асосини яратиш ва турли даражалардаги алоқаларни фаоллаштириш ўзаро ҳамкорликнинг муҳим босқичи сифатида хизмат қилади.

ТИВдаги учрашув якунларига кўра Ўзбекистон Республикаси Ташқи ишлар вазирлиги билан Жазоир Халқ Демократик Республикаси Ташқи ишлар вазирлиги ўртасида ҳамкорлик ва маслаҳатлашувлар тўғрисида Протокол имзоланди.

Музокараларда Жазоир Элчиси Насер Бушерит иштирок этди.

Кун янгиликлари
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 46252 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 7196 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 18499 Ўзбекистон
Махсус сиртқи бўлимда ўқиш учун қабул қандай кечади?
“Ўзбекистон ҳаво йўллари” Boeing 767 Full-flight симуляторини ишга туширди
Тожикистон 2020 йилда электр энергияси экспортидан 120 миллион доллар фойда қилмоқчи
Инсон ҳуқуқлари бўйича вакил сайёр қабулларни амалга ошириши режалаштирилмоқда
Ўзбекистонда 2017 йилда қишлоқ жойларда уй-жойлар қурилишига 2,12 трлн сўм йўналтирилади
«Арсенал»ни сотиб олмоқчи бўлаётган миллиардер биринчи галда Венгерни ҳайдамоқчи
17:05 1092 Спорт
Мирзиёев Бекободдаги барча хонадонларни иситиш мосламалари билан таъминлашга кўрсатма берди
Кўпроқ янгиликлар