Ҳуқуқ ҳимоячилари Disney ва Google каби компанияларни текширишни сўрашмоқда

Технология 25 Октябрь 2016 4234
Фото: ibtimes

Ҳуқуқни муҳофаза қилувчи ташкилотлар АҚШ Федерал савдо комиссиясидан Disney ва Google каби корпорацияларни текширишни сўрашди. Улар яширин рекламанинг болаларга таъсиридан хавфсирашмоқда. Бу ҳақида Slashgear нашри хабар берди. 

Бундай мазмундаги ариза Campaign for a Commercial-Free Childhood (Рекламасиз болалик кампанияси), Center for Digital Democracy (Рақамли демократия маркази) ҳамда Public Citizen (Давлат фуқароси) каби ташкилотлардан келиб тушган. Улар AwesomenessTV, Wild Brain каби кўнгилочар видеоконтентлар, Google интернет корпорацияси ва Disney’нинг Maker Studios бўлимида текширув ўтказишни сўрашган. 

“Таъсир маркетинги” (influencer marketing) — бу товар ва хизматлар билан фикрлар етакчилари —блоггерлар, поп-юлдузлар ва бошқаларни жалб қилган ҳолда таништириш. Ҳуқуқ муҳофазачиларининг фикрича, ижтимоий тармоқларда айнан қайси пост “таъсир маркетинги” форматида эканлигини англаш қийин. Бу одамлар, кўпинча болаларнинг у ёки бу маҳсулот ҳақида объектив маълумот берилаётганига ишонишига ва тижорат эълони таъсирига тушиб қолишини англаб етмаслигига олиб келади. 

Ҳуқуқ ҳимоячиларининг сўзларига кўра, бу вазиятда Google ўзининг YouTube видеохостингида “таъсир маркетинги” бўлган видеороликларни жойлаштиришдан бевосита фойда олади. Қолган компаниялар эса оддий видеоконтентдек кўринувчи, аслида эса болаларга мўлжалланган рекламалар тайёрлаб, жойлаштиришади. 

Бундай контентни кўрувчи болалар кўпинча ота-онасидан у ёки бу маҳсулотни сотиб олиб беришни сўрашади. 

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 33056 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 18534 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 71418 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 59077 Жамият
ЕЧЛ-2017/18 қуръасида саватчалар таркиби қандай бўлади?
15:04 52 Спорт
24 август куни Ўзбекистонда қандай об-ҳаво кузатилади?
Ўзбекистон Футбол федерацияси ўзбек футбол мухлисларини «жазо»лади
14:50 2327 Спорт
Google ва Walmart ҳамкорлик ҳақида эълон қилишди
Афғонистон жанубида портлаш юз берди
14:40 361 Жаҳон
Жосусликда айбланиб қамалган Эркин Мусаев озодликка чиқарилди
Кўпроқ янгиликлар