Коалиция Мўсулни қуршаб олишга муваффақ бўла олмаяпти

Жаҳон 26 Октябрь 2016 9239
Фото: © AP

Ироқ қуролли кучлари ва уларнинг АҚШ бошчилигидаги иттифоқдошлари Мўсулни қуршаб олишга муваффақ бўла олмаяпти, деб маълум қилди Мўсулни озод қилиш операцияси қўмондони, америкалик генерал Стивен Таунсенд. Бу ҳақда РИА “Новости” ахборот агентлиги хабар бермоқда

"Ҳозирча Мўсул тўлиқ қуршаб олинмади. Бу шаҳарга ҳужум қилиш, уни ИШИДдан озод қилиш учун зарур ҳам эмас. Душманнинг кириш ва чиқиш йўллари бор, у жангчиларини қандайдир тарзда қайта дислокациясини ўтказмоқда, бироқ биз шаҳарга кичик бўлинмалар келаётгани ва кетаётганини кўрмаяпмиз", деб айтди генерал.

Генерал жангарилар шу тариқа қўшимча кучлар олаётгани ва унинг етакчилари шу йўл билан шаҳарни тарк эта олишларини тан олди. Унинг айтишича, коалиция кучлари буни кўришганда ва булар жангарилар эканлиги ҳақида аниқ маълумотга эга бўлишганда, жангарилар уларга зарба бермоқда. Таунсенднинг айтишича, коалиция билан жангларда тажриба орттирган жангарилар очиқ автомобиллар ва байроқлар билан ҳаракатланишдан қочиб, буни яширинча қилишга уринмоқдалар.

 

Кўпроқ янгиликлар