Тайвань байроғи остида сузувчи ва бортида 52 йўловчи бўлган траулер Тинч океанида ёнмоқда. Бу ҳақда Япония соҳилбўйи қўриқлаш хизмати маълум қилди, деб хабар бермоқда ТАСС ахборот агентлиги.  

Маълумотларга кўра, кема Ивате префектурасидан 510 км узоқликда фалокатга учраган. Траулернинг ёнишига унинг бошқа кема билан тўқнашиши сабаб бўлиши мумкин.

Воқеа жойига Япония соҳилбўйи қўриқлаш хизмати кемалари жўнатилган.