Украина президенти Пётр Порошенко ҳар куни эрталаб ибодат қилишга 15-20 дақиқа ажратишини маълум қилди. Бу ҳақда РИА “Новости” ахборот агентлиги хабар берди

"Ҳар куни мен уйғониб, ибодат қиламан. Бу тахминан 15-20 дақиқа олади", деб айтди Порошенко талабалар билан учрашувда.

Порошенко бунда "Украина президенти сифатида қасамёд келтирган Инжилни эслашини" таъкидлаб ўтди. 

Порошенко 2014 йил май ойида ўтган сайловларга кўра, Украина президенти бўлган. 2016 йил "Рейтинг" ижтимоий гуруҳи ўтказган сўровномага кўра, Порошенконинг Украина президенти сифатидаги фаолиятини бор-йўғи 3 фоизгина украиналиклар қўллаб-қувватлаши, 73 фоизи эса норози эканини маълум бўлган.