29 октябрь – Туркия Республика кунини нишонламоқда

Жаҳон 29 Октябрь 2016 5188

Биринчи Жаҳон урушидан сўнг Антанта мамлакатлари 1918 йилнинг октябрида Усмонийлар империясининг деярли барча ҳудудини ўзаро бўлишиб олишга қарор қилишди ва бу Турк миллий ҳаракатининг пайдо бўлишига олиб келди. Анадолу нашри шу ҳақида сўз юритди.

1919 йилнинг май ойидан 1923 йилнинг октябрига қадар Мустафо Камол Отутурк бошчилигида давом этган мустақиллик учун урушда турклар ғалаба қозонади. 1923 йилнинг июлида Туркия Лозан тинчлик битимини имзолади. Шу тариқа, 1923 йилнинг 29 октябрида Туркия пойтахти - Анқарада республика тузилиши ҳақида расман эълон қилинди. Ўшандан буён 29 октябрь Туркияда Республика куни сифатида нишонланади, Мустафо Камол Отатурк уни энг муҳим байрам дея эътироф этган. 

Ушбу миллий байрам муносабати билан Туркия ҳукумат вакиллари мамлакат президенти Ражаб Тоййиб Эрдўған бошчилигида Аниткабир Мажмуасидаги Мустафо Камол Отатурк қабрини зиёрат қилишди. Эрдўған ҳар қандай вазиятга қарамай, Туркия ғалаба нашидасини сураётгани – катта иштиёқ билан Республика кунининг 93 йиллигини нишонлаётганини таъкидлади: 

"Бизнинг халқимиз озодлик ва ғуруридан воз кечмаган ҳолда 93 йил аввал мустақиллик ҳақида эълон қилган. Халқ бу иродасини бугун ҳам намойиш қилмоқда. 15 июлдаги ҳарбий тўнтарув ҳаракати вақтида мамлакатимизнинг барча бурчакларидан халқимизнинг намоён этган қаҳрамонларча қаршилиги истиқлол учун курашнинг яна бир далилидир... Биз мамлакатимизни замонавий маданият даражасига кўтарамиз. Халқимизнинг Мустафо Камол Отатурк бошчилигидаги шаҳидлари, қозиларини ёдга оламиз".

Мамлакатнинг барча ҳудудларида байрам шукуҳи сезилмоқда. Ҳукумат муассасалари, ўқув масканлари ва марказий кўчаларда миллий байроқлар осилган ҳамда тантанали тадбирлар ўтказилмоқда.

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 5976 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 6910 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 21876 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 50430 Жамият
Ироқ Курдистондаги референдумни тан олмайди 
08:37 27 Жаҳон
Индонезиялик хакерлар байроқ можаросидан сўнг Малайзиянинг қарийб 30 та сайтини бузиб киришди
08:30 339 Жаҳон
АҚШ Сурия ҳукуматига кимёвий қурол қўлланилиши юзасидан махсус баёнот билан чиқди
08:24 621 Жаҳон
Ироқ ИШИДдан икки ойдан сўнг бутунлай озод этилиши айтилди
08:20 373 Жаҳон
Кобулнинг дипломатик туманида ракета портлади
07:55 518 Жаҳон
АҚШ эсминецининг савдо кемаси билан тўқнашувига сабаб сифатида кибераралашув ҳам кўриб чиқилади  
07:47 392 Жаҳон
Кўпроқ янгиликлар