Трампнинг ҳарбий режалари маълум қилинди

Жаҳон 31 Октябрь 2016 23702
Фото: Globallookpress.com

АҚШ президентлигига республикачилар партиясидан номзод бўлмиш Дональд Трампнинг маслаҳатчилари агар номзод сайловда ғалаба қозонгудек бўлса, у мамлакат мудофаасидаги муаммоларни қандай ҳал этишини сўзлаб беришди. Бу ҳақда The Defense News ёзмоқда.

Пентагон раҳбарларидан бири Жефф Сешнс ва мамлакат ҳарбий денгиз кучларининг эҳтимолий вазири Рэнд Форбснинг сўзларига кўра, Трамп “Куч орқали тинчлик” концепциясини илгари сурмоқда. Унинг фикрича, Америка қуролли кучлари сўнгги йилларда деградацияга учраган ва АҚШ миллий манфаатлари учун тикланишга эҳтиёж сезмоқда. Трамп “эски альянсни қайта тиклашга, янги дўстлар орттиришга ва ҳаётий ташқи сиёсат қўллашга” ҳаракат қилади. 

Энг аввало, маслаҳатчиларнинг тасдиқлашича, Трамп АҚШга хавф солаётган ИШИД террорчилик ташкилотини йўқ қилишга бор диққат-эътиборини қаратади. Кейинги режаларга — мамлакат учун хавфли ҳисобланган одамларни Штатларга киришларини тақиқлаш, киберхавфсизликни кучайтириш учун харажатларни кўпайтириш, армия ҳажмини 480 мингдан 540 мингга кўпайтириш, кемалар сонини 272тадан 350тага кўпайтириш (асосан сувости кемаларини), денгиз пиёда қўшинлари корпусига аъзоликни 180 мингдан 200 мингга ошириш масалалари киритилган. 

“Россия билан муносабатлар Ҳиллари Клинтон давлат котиби бўлиб ишлаган кезларда жуда ёмонлашди, — деди Сешнс. — Бу улкан қобилиятсизлик эди. Билмайман, буни тўғрилаш мумкинми ёки йўқ. Аммо биз уриниб кўришимиз керак. Реализм позициясидан ва миллий қизиқишлар томонидан туриб қаралса, АҚШ ва Россия ўртасидаги муносабат уйғун ҳолатда бўлиши керак”.

Сеншнс шундай дейди: “Дональд Трамп урушга ишонмайди. Буни аҳмоқона ва вайронокор, иқтисодга зарар келтирувчи ҳолат деб ҳисоблайди. Сурия ва Ливияда нималар бўлганлигини кўринг. Миср “мусулмон биродарлар”дан азият чекмоқда. Ироқ энди оёққа туряпти. Айнан Ҳиллари Клинтон бизнинг қўшинларимизни ўша ерга жўнатган эди”.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 26488 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 13799 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55031 Жамият
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 106 Жаҳон
Xiaomi янги ҳамёнбоп смартфонини тақдим этди
Норвегия пенсия жамғармаси ҳажми 63 млрд долларга ошди
Нега Нурсултон Назарбоев чет элга дам олишга бормайди?
21:29 3807 Жаҳон
Wal-Mart омбор-дирижаблни патентламоқда
Туркманистон яна Гиннеснинг рекордлар китобига кирди
21:21 7622 Жамият
Бонд ҳақидаги янги фильмнинг ёвуз қаҳрамони бошқарадиган автомобиль номи маълум бўлди
Кўпроқ янгиликлар