«Интер» расмий сайтида Франк де Бур жамоа бош мураббийлигидан истеъфога чиқарилгани ҳақида маълум қилинди.

Қайд этиш керакки, нидерландиялик мутахассис жамоада 3 ой ҳам ишлай олмади.

«Нерадзуррилар»ни чоршанба куни Европа лигаси доирасида «Саутҳемптон»га қарши ўйинга ёшлар жамоаси мураббийи Стефано Векки олиб боради.

Бундан олдинги хабарларда «Интер»нинг янги мураббийи Стефано Пиоли бўлиши эҳтимоли юқори экани айтилганди.

Ўтган мавсум якунида раҳбарият Роберто Манчинини жамоани кучли учликка олиб кира олмагани учун истеъфога чиқарганди. Миланликлар де Бур билан ўтган 11 турдан кейин 14 очко жамғарган ҳолда 14 ўринда жойлашиб турибди.