Туркия Қуролли кучлари Бош штаби бошлиғи Хулуси Акар Россияда бўлиб турибди, деб хабар қилмоқда Туркия бош штаби. 

"Бош штаб раҳбари Хулуси Акар РФ Бош штаби бошлиғи генерал Валерий Герасимовнинг расмий таклифига биноан 1 ноябрь куни расмий ташриф билан икки мамлакат ўртасидаги ҳарбий масалалар, минтақавий муаммоларни баҳолаш ва ахборот ҳамда фикр алмашиш мақсадида Россия Федерациясида бўлиб турибди", — дейилади хабарда. 

Герасимов сентябрь ойида Анқарада бўлиб, Акар билан музокаралар ўтказган эди.