Foto: AP
AQSh prezidenti lavozimiga nomzod Xillari Klinton saylovoldi poygasi sur'atlariga chidashga qodir emas va saylovlarga sanoqli kun qolganda charchagani sababli o‘z pozitsiyalarini boy bermoqda, deb aytdi uning prezidentlik saylovlari bo‘yicha asosiy raqibi Donald Tramp. Bu haqda TASS axborot agentligi xabar bermoqda.
"Men har kuni 5-6 ta tadbir o‘tkazaman, Xillari esa uxlagani uyiga ketadi. Unda mamlakatni boshqarish uchun talab qilinadigan kuch-quvvat yo‘q", deb aytdi Tramp Floridada tarafdorlari bilan uchrashuvda.
Trampning aytishicha, u Klintondan farqli o‘laroq, AQShda prezidentlik saylovlari o‘tkaziladigan 8 noyabrgacha har kuni 5-6 ta uchrashuv o‘tkazmoqchi.
