АҚШнинг сайланган президенти Дональд Трамп 8 ноябрда бўлиб ўтган президентлик сайловларидан кейинги биринчи интервьюсини берди, деб ёзмоқда The Wall Street Journal нашри.

Трампнинг айтишича, эндиликда унинг вазифаси, анчагина кескин руҳда бўлиб ўтган сайловолди кампанияси ва сайланганидан норози бўлганларнинг намойишларидан сўнг, мамлакатни бирлаштиришдир. 

«Мен фуқаролари бир-бирини яхши кўрувчи мамлакатни кўришни хоҳлайман», — деган Трамп.

Шу билан бирга, сайловолди кампанияси чоғида Трамп ўз сўзларида ҳаддан ортиқ қўполлашиб кетмадими?, деган саволга янги президент: «Йўқ, мен ғалаба қозондим», - дея жавоб қайтарган.