Гонконгда этни жимирлатувчи воқеа юз берди. Маҳаллий ресторанлардан бирига ташриф буюрган мижозлар катта илоннинг қурбонига айланишларига бир бахя қолди. Икки метрдан узунроқ илон рестораннинг осма шипидан тушиб келган, деб ёзмоқда Daily Mail.

Воқеа гувоҳлари илоннинг тутилиши тасвирланган видеони интернетда жойлаштирдилар.

Видеода бир неча киши илонни тутишга ҳаракат қилаётганини кўриш мумкин. Улар бир неча дақиқа давомида хавфли жонзотни тутишга уринишган ва охир-оқибат уни тутиб, ветеринария хизматига топширишган.