Domino's Pizza пиццериялари тармоғи илк марта дрон ёрдамида пицца етказиб берилгани ҳақида маълум қилди. Mashable нашри шу ҳақида хабар берди

Пицца хусусий мижозга етказиб берилган, учувчисиз қурилманинг пиццериядан белгиланган жойгача парвози эса фуқаролик авиацияси билан шуғулланувчи маҳаллий ҳукумат томонидан тасдиқланган. 

Пиццани янги усулда етказиш Domino's Pizza ҳамда Flirtey стартапининг ҳамкорликдаги лойиҳаси доирасида амалга оширилган, бу лойиҳа кичик юкларни дронлар ёрдамида ташишга ихтисослашган. Тармоқ бу тажрибасини шу ҳафтада яна олти мамлакат - Австралия, Бельгия, Франция, Нидерландия, Япония ва Германияда давом эттиради.