АҚШда Флорида Марказий университетида (UCF) бир неча сонияда тўла қувватланувчи аккумулятор ишлаб чиқишди. Бу ҳақда Daily Mail хабар бермоқда.

У берган маълумотга кўра, батарея ўз иш фаолиятини 30 минг цикл қувватдан сўнг ҳам сақлаб қолади.

Супербатарея ўз электр қувватини юза қисмидаги махсус қоплама ёрдамида сақлайди. У одатий литий-ионли аккумуляторларлар сингари кимёвий реакцияга киришмайди.

Суперконденсаторли аккумулятордан айни дамда тижорий мақсадларда фойдаланиб бўлмайди. Нашрнинг ёзишича, дастлабки натижалар аккумуляторнинг ёрқин келажагидан далолат бериб турибди.