Ўзбекистонда соғлиқни сақлаш вазири ўзгарди

Ўзбекистон 13 Декабрь 2016 62790

Шу йилнинг 13 сентябрида Шавкат Мирзиёев фармонига мувофиқ Ўзбекистон бош вазирининг ўринбосари, Соғлиқни сақлаш, экология, атроф-муҳитни муҳофаза қилиш, жисмоний тарбия ва спорт масалалари комплекси раҳбари лавозимига тасдиқланган Адҳам Икромов энди Соғлиқни сақлаш вазири этиб тайинланган. Бу ҳақда ижтимоий тармоқдаги гуруҳлардан бирида маълумот берилган.

Адҳам Икрамов бир вақтнинг ўзида Бош вазир ўринбосари ҳамда Соғлиқни сақлаш вазири вазифаларини бажаради.

У 2012 йилнинг ёзидан буён Ўзбекистон Республикаси Соғлиқни сақлаш вазири сифатида фаолият кўрсатиб келган Анвар Валиевич Алимовнинг ўрнини эгаллади. 

Шунингдек, бош вазирнинг яна бир ўринбосари, Хотин-қизлар қўмитаси раиси сифатида ишлаб келган Боситханова Эльмира Иркиновна Соғлиқни сақлаш вазири ўринбосари этиб тайинланган.

Маълумот учун, Адҳам Икромов бундан аввал ҳам шу соҳага раҳбарлик қилганди. У 2009 йилнинг апрелига қадар Соғлиқни сақлаш вазири ўринбосари, 2009 йилнинг апрелидан 2012 йилнинг февралигача  соғлиқни сақлаш вазири лавозимида фаолият юритган.

2012 йилнинг 7 августида Ўзбекистон Президенти Ислом Каримов ўз фармони билан Адҳам Илҳомович Икромовни Ўзбекистон Республикаси Бош вазирининг янги ўринбосари, маданият, таълим, соғлиқни сақлаш ва ижтимоий ҳимоя масалалари бўйича мажмуа раҳбари этиб тайинлаганди. 

2015 йилнинг июлида эса у Соғлиқни сақлаш, экология ва атроф-муҳитни муҳофаза қилиш раҳбари этиб тайинланган эди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 14340 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 11517 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47003 Жамият
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8374 Ўзбекистон
«Ўзбекистон 24» телеканали раҳбари ўзгарди
«GM Uzbekistan»нинг Асакадаги заводи ўз ишини вақтинчалик тўхтатади
Хайрулла Нуриддинов 3 кун ўтиб яна МТРК раиси ўринбосарлигига қайтди
Умумхалқ ҳашари доирасидаги хайрия тадбирларига 5,3 миллиард сўмдан зиёд маблағ сарфланди
16:45 295 Жамият
Макка шаҳридаги меҳмонхоналардан бирида ёнғин чиқди
16:40 1582 Жаҳон
Машҳур раҳбар бўлиш учун нималарга эътибор бериш ҳақида: 5 машҳур афсонага раддия
16:35 1803 Lifestyle
Кўпроқ янгиликлар