Nigeriya armiyasi "Boko Xaram" radikal jangari guruh tomonidan hibsda saqlanayotgan 605 kishini ozod qildi. Mamlakat shimoli-sharqidagi Sambisa o‘rmonida o‘tkazilgan maxsus amaliyot shunday natija bilan yakunlandi, deb xabar qilmoqda Sinxua agentligi mamlakat qurolli kuchlari vakiliga tayangan holda.
Maxsus jangovar amaliyoti 7-14 dekabr kunlari bo‘lib o‘tgan. Maxsus amaliyotlar qo‘mondoni Laki Irabor (Lucky Irabor)ning bayonotiga ko‘ra, ozod qilinganlarning aksariyati ayollar va bolalardir.
"Garovda saqlanganlar surishtiruv ishlari va so‘roq qilish maqsadida politsiya kuzatuvi ostida bo‘ladi", — degan Irabor.
"Boko Xaram" — radikal guruh bo‘lib, asosan Nigeriyada faoliyat yuritadi. Uning jangarilari davlat boshqaruvining g‘arb modeliga qarshi chiqishadi va mamlakat bo‘ylab shariat ahkomlarini joriy qilish uchun kurashadi.
