Рустам Азимов Молия вазирлигидан кетди

Ўзбекистон 15 Декабрь 2016 172139

Ўзбекистон Республикаси Молия вазири Рустам Содиқович Азимов ўз лавозимини тарк этган. Бу ҳақда вазиятдан хабардор бир неча манбалар маълумот берди.

Унинг ўрнини шу пайтгача Ўзбекистон Республикаси Иқтисодиёт вазирининг биринчи ўринбосари лавозимида фаолият юритиб келган, «Ипотека-банк» акциядорлик тижорат ипотека банки Кенгаши раиси Хўжаев Ботир Асадиллаевич эгаллаган.

Ботир Хўжаев 1956 йилда Тошкентда туғилган, 1979 йилда Тошкент темир йўл транспорти муҳандислари институтини тамомлаган.

Ботир Хўжаев 1992—1994 йилларда Тошкент шаҳар Чилонзор тумани ҳокимининг биринчи ўринбосари, 1994—1996 йилларда — Тошкент шаҳар ҳокими ўринбосари сифатида фаолият юритган.

У 1996–1997 йилларда Давлат мулк қўмитаси раисининг биринчи ўринбосари, 1997–1998 йилларда — Вазирлар Маҳкамасининг Ахборот-таҳлил бошқармаси бошлиғи ўринбосари – Макроиқтисодий ривожланиш таҳлили ва стратегияси бўлими бошлиғи, 1998–2000 йилларда — Давлат солиқ қўмитаси раисининг биринчи ўринбосари вазифаларида меҳнат қилган.

2000-2002 йилларда Ўзбекистон Республикаси Давлат Солиқ қўмитаси раиси лавозимида ишлаган. 2002–2004 йилларда Вазирлар Маҳкамасининг Ахборот-таҳлил бошқармаси бошлиғи, 2004–2005 йилларда Вазирлар Маҳкамасининг Иқтисодиётдаги таркибий ислоҳотлар йиғма ахборот-таҳлил департаменти мудири, 2005–2006 йилларда Ўзбекистон Президентининг ижтимоий-иқтисодий сиёсат масалалари бўйича Давлат маслаҳатчиси бўлган.

2006 йилнинг 11 апрелидан 2009 йилнинг 9 июлига қадар Ўзбекистон Республикаси Иқтисодиёт вазири бўлган. 2009 йилдан 2011 йилгача Ўзбекистон Республикаси Бош вазирининг ўринбосари - Давлат архитектура ва қурилиш қўмитаси раиси, Коммунал соҳа, транспорт, капитал қурилиш ва қурилиш индустрияси масалалари комплекси раҳбари. 2011 йилнинг 1 ноябридан эса Иқтисодиёт вазирининг биринчи ўринбосари — Макроиқтисодий параметрлар, молия-валюта баланси ва Республика инвестиция дастурлари масалалари бўйича Иқтисодиёт вазирининг биринчи ўринбосари.

«Ўзбекнефтгаз» МХК акциядорлик жамиятининг бошқарувчилар кенгаши аъзоси.

Айни вақтда Рустам Азимовнинг кейинги фаолияти ҳақида аниқ маълумот йўқ.

Рустам Азимов 1991-1998 йилларда Ўзбекистон Республикаси Ташқи иқтисодий фаолият миллий банки бошқарув раиси сифатида ишлаган. У 1998-2000 йилларда биринчи марта Ўзбекистон Республикаси Молия вазири бўлган.
2000 йилда —  Ўзбекистон Республикаси бош вазирининг ўринбосари — Молия вазири, 2000-2003 йилларда —  Ўзбекистон Республикаси бош вазирининг ўринбосари — Макроиқтисодиёт ва статистика вазири, 2003-2005 йилларда —  Ўзбекистон Республикаси Ташқи иқтисодий алоқалар вазири, 2005-2008 йилларда—  Ўзбекистон Республикаси  Молия вазири. 2008 йилнинг 22 ноябридан —  Ўзбекистон Республикаси бош вазирининг биринчи ўринбосари — Молия вазири, макроиқтисодий ривожлантириш мажмуаси раҳбари.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27260 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14339 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55513 Жамият
Миробод бозорида пулларни нақдловчи банкомат ишга тушди
23:18 11 Жаҳон
Эрдўған Туркия Сурия шимолида сохта давлат яратилишига ижозат бермаслигини айтди
23:04 327 Жаҳон
Финляндиядаги ҳайвонот боғида ноодатий лавозим таклиф қилинмоқда
22:51 333 Жаҳон
Маошни оширишни қачон сўраган маъқул?
22:47 1263 Lifestyle
Дайжест: Пахта мавсумидаги ўзгаришлар, Президент ижтимоий тармоқларда, АҚШда Қуёш қандай тутилди ва бошқа хабарлар
22:05 3731 Жаҳон
Xiaomi янги ҳамёнбоп смартфонини тақдим этди
Норвегия пенсия жамғармаси ҳажми 63 млрд долларга ошди
Кўпроқ янгиликлар