АҚШлик маҳбус Обаманинг афв этишидан воз кечди

Жаҳон 16 Декабрь 2016 9011

Гиёҳванд моддаларни тарқатиш учун жазо ўтаётган ва АҚШ президенти Барак Обама томонидан афв этилган маҳбуслардан бири Арнольд Жонсон муддатдан аввал озод этилишдан воз кечди. Жонсон Обаманинг афв этишидан воз кечган биринчи маҳбус бўлди. Бу ҳақда USA Today нашри хабар бермоқда

Нашрнинг ёзишича, маҳбуснинг бундан воз кечишига афв этишнинг мажбурий шарти ҳисобланувчи – гиёҳвандларни даволаш бўйича мажбурий дастурда иштирок этишни истамаслиги сабаб бўлиши мумкин. АҚШ Турмалар федерал бюроси маълумотларига кўра, дастур бундай маҳбусларни жамиятдан 9 ойга яккалашни кўзда тутиб, бу давр ичида афв этилувчи жадал даволаш курсидан ўтади. Нашрнинг таъкидлашича, агар маҳбус даволаш курсидан ўтганда, у икки йилдан кейин озодликка чиқиши ва шу тариқа ўз жазо муддатини 4 йилга қисқартириши мумкин эди.    

Маҳбуснинг ишида кўрсатилишича, у турмага тушишдан аввал бир йил давомида ҳар ҳафта кокаин қабул қилган, унинг гиёҳвандликдан фориғ бўлишга аввалги уринишлари фойда бермаган. 

АҚШ ҳукумати бу ҳолатга изоҳ бермади.

Обама 4 мингдан кўпроқ маҳбуснинг озодликка чиқишига ёки уларнинг жазо муддатини қисқартиришга изн берган, улардан кўпчилиги 2016 йилда афв этилганлар.

Обама маъмурияти кичик миқдордаги гиёҳванд моддалар учун жазоланган маҳбуслар нормал ҳаётга қайтиши учун уларнинг жазо муддатларини камайтиришга уриниб келмоқда. 1986 йилда АҚШда 50 грамм ёки ундан кўпроқ миқдорда кокаин сақлаганлар учун 10 йилдан умрбод қамоқ муддатигача жазони кўзда тутувчи қонун қабул қилинган. Кейинчалик қонун ўзгартирилиб, эндиликда 280 грамм ва ундан кўпроқ кокаин ёки уни ишлаб чиқариш учун зарур хом ашёни сақлаганлик учунгина катта қамоқ муддатлари берилади.

 

Кун янгиликлари
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 4231 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 5081 Жамият
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 / 21.08.2017 20747 Lifestyle
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 49701 Жамият
Келажак мевалари: фарғоналик бемор онанинг икки нафар норасида фарзандига ёрдам қўлини чўзайлик
23:59 / 21.08.2017 3760 Жамият
Барселоналик террорчини йўқ қилишда синчков аёл ёрдам берди
23:57 / 21.08.2017 2223 Жаҳон
Шимолий Кореяга қочиб кетган охирги америкалик ҳарбий вафот этди
23:34 / 21.08.2017 4150 Жаҳон
Хитой хорижий инвестицияларга чеклов жорий қилди
23:08 / 21.08.2017 2371 Жаҳон
Дайжест: Самарқандда ҳокимлар алмашинуви, гўшт импорти учун имтиёз, Асакадаги заводда танаффус ва куннинг бошқа хабарлари
22:59 / 21.08.2017 3570 Жаҳон
Қозоғистонда ўзбек автомобиллари ишлаб чиқарилиши кенгайтирилиши мумкин
22:48 / 21.08.2017 3659 Технология
Кўпроқ янгиликлар