Россия элчиси ўлдирилиши ортидан АҚШнинг Анқарадаги элчихонаси ёпилади. Бу ҳақда америкаликлар дипломатик миссияси вакили твиттер орқали хабар берган.

"АҚШнинг Анқарадаги элчихонаси ҳамда Истанбул ва Аданадаги консуллик бинолари ёпилади ва одатий режимда ишлашни тўхтатади", — дейилган хабарда.

19 декабрь оқшомида АҚШнинг Анқарадаги элчихонасига ҳам қуролланган шахс ҳужум қилган ва қўлган олинган.

АҚШ Давлат департаменти бу маълумотни тасдиқлаган. Давлат департаменти вакили РИА Новости агентлигига берган маълумотида қўлида пистолет тутган шахс Анқарадаги элчихона ҳудудида бир неча бор ўқ узгани ҳақида айтган. Туркия ҳукумати бу жиноятчини қўлга олиб, тергов қилишни бошлаган.

Бу Россиянинг Туркиядаги элчиси Андрей Карлов ўлдирилишидан бир неча соат ўтиб содир бўлди. АҚШнинг амалдаги президенти Барак Обама, янги сайланган президент Дональд Трамп ва Обама маъмуриятидаги Давлат котиби Жон Керри рус элчиси ўлдирилишини қоралаб чиққан.