Россия президенти Владимир Путин Россия давлат думаси раҳбарияти билан учрашувда Россия либерал-демократик партияси етакчиси Владимир Жириновскийнинг Россиянинг Туркия элчиси, 19 декабрда суиқасд оқибатида ҳалок бўлган Андрей Карловда тансоқчилар бўлмаганидан ғазабланишига жавоб берди.

Путин бунда гап Туркия томонда эмаслигини айтди.

"Умумий қоида мавжуд. Элчихонанинг қуролланган қўриқлаш хизмати фақатгина элчихона ҳудудида ишлаши мумкин. Гап Туркияда эмас, кўплаб давлатларда шундай қилинади. Бироқ сиз ҳақсиз, баъзи давлатларда, айниқса юз бераётган жараёнлар ҳисобга олинган ҳолда, бошқача йўл тутиш ҳақида келишиб олса бўларди", деб айтди Путин.