Германия канцлери Ангела Меркелни Берлин ҳукумат кварталидаги Hit Ullrich супермаркетида учратишди. Сиёсатчи Рождество байрамига атаб харидларни амалга ошириш учун уч нафар тансоқчи ҳамроҳлигида келган.

Германиянинг Bild нашри маълумотларига кўра, Меркель сариёғ, паприка, творог, картошка, Mon Chéri конфеталари ва бошқа маҳсулотларни харид қилган. Канцлер ҳаммаси бўлиб деярли 100 евролик нарсаларни сотиб олди. 

ОАВнинг таъкидлашича, канцлер Берлинда Рождество таътилларини ўтказиш учун қолмаслиги ҳам мумкин. Сиёсатчи турмуш ўртоғи билан Швейцариянинг Энгадин курорт ҳудудига йўл олиши режалаштирилган.