Жиноят ва жазо: Тили бошқа-ю, дили бошқа...

Жамият 24 Декабрь 2016 23437
Фото: Getty Images

Наманган вилоятида туғилган Аброр Дадамирзаев, Даврон Дўсматов, Исманходжа Касимов, Маъмур Исмоилов ва Содиқ Расулов умрларининг айни навқирон дамларини хазонга айлантиришди.

“Ҳуқуқ” газетасининг ёзишича, улар 2006 йилдан буён Россия Федерациясининг Одинцово тумани, Гусарская баллада қишлоғига бориб, ёлланма ишчи сифатида ишлаб келишарди. Бошида ҳаммаси кўнгилдагидек эди. Бу орада Қирғизистон Республикасининг Шамолдисой қишлоғида яшовчи Нусратилла, ака-ука Икром ва Аҳмад Ҳожиевлар, “Ҳамза”, Шокир (Салоҳиддин), тожикистонлик “Ҳожи ака”, Қўқон шаҳрида яшовчи Музаффар исмли шахслар сафларига келиб қўшилди-ю, уларнинг даъватлари билан табиатларида турли одатлар пайдо бўлди. Улар диний экстремистик оқимнинг яширин ташкил этилган жамоаси аъзоларига айландилар. 

Улар бора-бора ўша қишлоқчадаги хонадонлардан бирида ҳафтада икки-уч маротаба йиғилиб, диний экстремистик оқим ғояларини тарғиб қилувчи турли китоблардан сабоқ ола бошлашди. Бу гуруҳнинг бош мақсади Ўзбекистондаги мавжуд конституциявий тузумни ағдариб, юртни ўз чиркин ғоялари билан бошқаришга қаратилган, шу йўлга кирганларни жамики жирканч ва разил ишлардан ҳам тап тортмасликка, оила, бола-чақаларидан, ҳатто ўз жонларидан, воз кечишга тайёрлаш эди. Кейинроқ эса бу борадаги даъватлар ёзилган дискларни тинглаб, уларни муҳокама қилиш, сафларини кенгайтириш ҳақида режалар тузиш улар учун одатий ҳолга айланди.

С.Расулов яширин ташкилот аъзолари билан бирга самарқандлик шериги Икромнинг ноутбуки ёрдамида интернетдан диний экстремистик ва сепаратистик ташкилот ғоялари билан йўғрилган материалларни олиб, уларни ўз телефонидаги электрон хотира мосламасига кўчирар, бундан гуруҳ йиғинларида фойдаланар, мабодо, гуруҳга янги аъзо келиб қўшиладиган бўлса, уларга ҳам пинҳона шу тасвир ва материалларни кўрсатиб, ўз даъватларини шу тарзда давом эттирарди. Албатта, ҳар бир аъзо гуруҳга қўшилгач, қасамёд қабул қилар, шундагина у ишончга кирган ҳисобланарди. Гуруҳ аъзолари ўз яшаш манзилларига вақтинча кетган пайтлари интернетдаги турли тармоқлар орқали ёзишиб, алоқа қилишарди.

Албатта, бу каби тинчлик ва осойишталигимизга раҳна солишга интилаётган ёвуз кучларнинг кирдикорлари фош этилиб, ҳуқуқни муҳофаза қилувчи органлар томонидан уларга нисбатан тегишли тартибда жиноий жавобгарлик масаласи ҳал этилиши тайин.

Бу гал ҳам шундай бўлди. Ушбу гуруҳ аъзолари суд ҳукми билан турли муддатларга озодликдан маҳрум этилди.

Кун янгиликлари
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 27925 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 14835 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 55934 Жамият
Пекин Вашингтонни Хитой компанияларга қарши санкцияларни бекор қилишга чақирди
00:40 359 Жаҳон
Reuters: АҚШ Мисрга ҳарбий ёрдам бермайдиган бўлди
00:34 384 Жаҳон
Эндиликда бутун маҳалла эмас, фақат қарздор истеъмолчи электр энергиядан маҳрум қилинади
00:23 1723 Жамият
Германияда Трамп боши шаклидаги гиёҳванд моддали таблеткалар аниқланди
00:21 416 Жаҳон
Сербия Ҳиндистон ва Эрон фуқаролари учун визани бекор қилди
00:18 462 Жаҳон
Суриянинг Хама вилоятига ҳаводан зарба берилиши оқибатида 50 киши ҳалок бўлди
00:06 631 Жаҳон
ОЧЛ чорак финали. «Шангҳай СИПГ» дастлабки ўйинда йирик ҳисобда ғалаба қозонди
00:01 922 Спорт
Кўпроқ янгиликлар