Ту-154 ҳалокатининг тахминий сабаблари маълум қилинди

Жаҳон 26 Декабрь 2016 21202
Фото: ТАСС

Сочида юз берган Ту-154 самолётининг ҳалокатига теракт сабаб бўлгани ҳақидаги тахминлар асосий версия эмас. Бу ҳақда Россия транспорт вазири Максим Соколов хабар берди. У ҳодиса сабабларини суриштириш бўйича ҳукумат комиссиясига раҳбарлик қилмоқда.

"Бугун ҳалокатга асосий сабаблар орасида террорчилик акти йўқ. Шу сабабдан бизнинг фикримизча, ҳалокатга техник ҳолат ёки учувчиларнинг хатоси сабаб бўлган бўлиши мумкин. Аммо буни мудофаа вазирлигининг махсус техник комиссияси аниқлашини таъкидлаб ўтган бўлардим", - дея айтиб ўтди Соколов ҳалокат сабабларини текшириш бўйича комиссия штаби йиғилиши якунига бағишланган брифингда.

Вазир Сочидан Москвага, бош вазир Дмитрий Медведевга ҳалокат билан боғлиқ ҳисоботни тақдим этиш учун қайтиб келмоқда.

Соколов кейинчалик ҳалокат сабабларини аниқлаш бўйича комиссия фаолиятини масофадан туриб назорат қилади.

Эслатиб ўтамиз, Сочидан Сурияга парвоз қилган ва 25 декабрь эрта тонгда радарлардан йўқолиб қолган Ту-154 ҳарбий самолёти Қора денгиз устида фалокатга учраган. У Адлер аэропортидан ёқилғи қуйилгач парвоз қилиб, ҳавода икки дақиқа атрофида бўлган. Самолётда 92 киши, жумладан Александров номидаги қўшиқ ва рақс ансамбли артистлари, "Справедливая помощь" халқаро жамоатчилик ташкилоти раҳбари Елизавета Глинка (доктор Лиза), Россия мудофаа вазирлиги маданият бошқармаси бошлиғи Антон Губанков, Александров номидаги ансамбль бадиий раҳбари генерал-лейтенант Валерий Халилов ҳамда Россиянинг Биринчи канали, НТВ ва "Звезда" телеканаллари журналист ва операторлари бўлган. 

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 70901 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 36986 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21401 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 80805 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61803 Жамият
Бразилияда бортида 70 киши бўлган паром чўкиб кетди
00:20 132 Жаҳон
Германиядаги йўл-транспорт ҳодисасида 44 руминиялик жабрланди
00:17 70 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 268 Маданият
Ўзбекистонлик иқтисодчи халқаро танловда ғолиб бўлди
23:30 / 23.08.2017 1187 Ўзбекистон
“Хато” тўфони Ҳонгконгга етказган зиён миллиард доллардан кўпроққа баҳоланмоқда
23:26 / 23.08.2017 759 Жаҳон
Кўпроқ янгиликлар