Ўзбекистон ва Қозоғистон ўртасидаги чегаралар очилиши мумкин

Ўзбекистон 26 Декабрь 2016 45367

Ўзбекистон ва Қозоғистон мустақиллик йилларида Марказий Осиёнинг етакчи давлатларига айланди. 23 декабрь куни Қозоғистон республикасининг Ўзбекистондаги элчиси Ерик Утембаев шу ҳақда журналистларга маълум қилди, деб хабар бермоқда «Туркистон-пресс» миллий-ахборот агентлиги.

«Бироқ икки томонлама ҳамкорликнинг фойдаланилмаган имкониятлари қолмоқда», - деган Ерик Утембаев. – Шу сабабли, икки давлат президентлари Нурсултан Абишевич ва Шавкат Миромоновичнинг сентябрь ойидаги учрашувида йиллик маҳсулот айирбошлаш ҳажмини 5 млрд долларга қадар оширишга эришишга қарор қилинган эди".

Ерик Утембаев

Мазкур топшириқ 22 сентябрда имзоланган савдо-иқтисодий ҳамкорликнинг асосий йўналишлари тўғрисидаги келишувга асос бўлди. Ҳужжатга мувофиқ, ўзаро нефть ва нефть маҳсулотлари, электротехника, машинасозлик, автомобилсозлик, фармацевтика ва агросаноат маҳсулотларини сотиш сингари йўналишлар бўйича ҳамкорликдаги савдо уйларини ташкил этиш режалаштирилган.

Қозоғистоннинг «Байтерек» миллий холдинги (Қозоғистон корхоналарининг ташқи савдосини молиялаштириш билан шуғулланади) ва Ўзбекистон Ташқи иқтисодий фаолият миллий банки ўртасида ҳамкорликни йўлга қўйиш режалаштирилган.

Ўзбекистон Давлат статистика қўмитаси маълумотларига кўра, 2016 йилнинг биринчи тўққиз ойи якунлари бўйича ўзаро маҳсулот айирбошлар ҳажми 1,548 млрд долларни ташкил этди. Қозоғистон Ўзбекистон маҳсулот айирбошлашида 8,7 фоизлик улуш билан Хитой (17,7 фоиз) ва Россиядан (17,2 фоиз) кейинги учинчи ўринда турибди. 

Жорий йилнинг ўтган 9 ойи мобайнида Қозоғистондан Ўзбекистонга 525 минг тонна буғдой уни ва 1 млн 400 минг тоннага яқин бошқа дон маҳсулотлари етказилган бўлса, Ўзбекистондан қўшни республикага табиий газ, узум, ўрик, тоғолча ва гилос, помидор, ва қуритилган мевалар етказиб берилган. 

Мамлакатлар раҳбариятига минтақалараро ҳамкорлик механизмларини ишлаб чиқиш вазифаси топширилди. Бундан ташқари, Ўзбекистон ва Қозоғистоннинг «Азиа-Авто», KazKioti, «СамАвто» ва GM Uzbekistan заводларида ишлаб чиқарилаётган енгил автомобиллар, автобуслар ва қишлоқ хўжалиги техникаларини йиғишни йўлга қўйиш кўзда тутилган.

Унинг сўзларига кўра, икки мамлакат иқтисодиётини инобатга олган ҳолда амалий жиҳатдан мутлақо янги минтақалараро ҳамда чегаравий алоқалар ва муносабатлар тизимини шакллантириш, шунингдек, чегараларни очиш зарур.

Бу ерда гап М-39 трассасидаги «Сирдарё» ва «Целинний» ўтказиш пунктлари мақомини ўзгартириш тўғрисида кетмоқда. Бундан ташқари, «Тошкент-Қазигурт», «Гулистон-Атамекен» ва «Зангиата-Қоплонбек» ўтказиш пунктлари мақоми ҳам ўзгартирилиши ҳақида гапирилмоқда, деб қайд этган Утембаев.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 90674 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 45065 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 50640 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8908 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19748 Ўзбекистон
Шимолий Корея АҚШга беражак зарбаларини бир қатор сиёсий плакатларда тасвирлади
23:20 469 Жаҳон
Конте «Челси»га нима етишмаётгани ҳақида гапирди
22:59 732 Спорт
Шаҳзода Уильямнинг никоҳ тўйидаги тортнинг бир бўлаги сотувга қўйилди
22:52 1133 Жамият
Видео: Дэвид Бекҳэм Pro Evolution Soccer 2018’да
22:47 754 Спорт
АҚШ ва Жанубий Корея август охирида ҳарбий машғулотлар ўктазади
22:35 536 Жаҳон
Кўпроқ янгиликлар