Филиппин ҳукумати гиёҳвандфурушликка қарши кураш доирасида декабрдаги рейдларда рекорд қийматдаги бир нечта метамфетамин партиясини мусодара қилди, деб маълум қилди Филиппин адлия вазири Виталиано Агирре.

Reuters ахборот агентлиги маълумотларига кўра, декабрда мусодара қилинган жами гиёҳванд модда қиймати 120 млн долларни ташкил қилган. Рейдлардан охиргиси 26 декабрда Маниладан шарқда жойлашган Сан-Хуан шаҳрида ўтказилган.

"Бу нафақат йил давомидаги, балки тарихдаги энг катта мусодара қилиш бўлди", деб айтди Агирре. Қанча миқдорда гиёҳванд модда мусодара қилингани маълум қилинмаган.

Филиппин ҳукумати 23 декабрда 67 млн долларлик метамфетамин мусодара қилгани ва 6 кишини ҳибсга олгани маълум бўлганди.