Ўзбекистонда фирибгарлик учун жавобгарлик кучайтирилди

Ўзбекистон 27 Декабрь 2016 38731
Фото:Getty images

Ўзбекистонда фирибгарлик билан шуғулланган жиноятчиларга нисбатан жавобгарлик кучайтирилди. Ўзбекистон Президенти Шавкат Мирзиёев 26 декабрда «Ўзбекистон Республикаси айрим қонун ҳужжатларига ўзгартиш ва қўшимчалар киритиш тўғрисида»ги қонунни имзолади. У “Народное слово” газетасида эълон қилинган ва 27 декабрдан кучга кирган.

Олий мажлис Қонунчилик палатаси 6 октябрда қонун лойиҳасини қабул қилган, Сенат 12 октябрда ҳужжатни тасдиқлаган эди. 

Шундай қилиб, қонунга биноан, Жиноят кодексининг «Фирибгарлик» моддасига тузатишлар киритилди. Унга кўра, фирибгарлик, яъни бировнинг мулкини ёлғон ёки ишончга кириш воситасида эгаллаш ёхуд бегона мулкга эгалик ҳуқуқини қўлга киритиш, энг кам ойлик иш ҳақининг 50 бараваридан 100 бараваригача миқдорда жарима ёки 2 йилгача ахлоқ тузатиш ишлари ёхуд 1 йилдан 3 йилгача эркинлигини чеклаш ёки 3 йилгача озодликдан маҳрум этиш билан жазоланади. 

Бир гуруҳ кишилар томонидан аввалдан тил бириктирилган ёки компьютер техникасидан фойдаланилган ҳолда йирик миқдорда амалга оширилган фирибгарлик учун энг кам ойлик иш ҳақининг 100 бараваридан 300 бараваригача миқдорда жарима солиш ёки 3 йилгача ахлоқ тузатиш ишлари ёки 3 йилдан 5 йилгача эркинлиги чекланиши ёхуд 3 йилдан 5 йилгача озодликдан маҳрум этиш жазоси тайинланиши мумкин.

Айни жиноят йирик миқдорда, такроран ёки хавфли рецидивист томонидан ёки хизмат лавозимидан фойдаланган ҳолда амалга оширилса, энг кам ойлик иш ҳақининг 300 бараваридан 400 бараваригача жарима ёки 2 йилдан 3 йилгача ахлоқ тузатиш ишлари ёки 5 йилдан 8 йилгача маълум бир ҳуқуқдан маҳрум этилган ҳолда озодликдан маҳрум этишга асос бўлади. 

Ўта хавфли рецидивист ёки уюшган гуруҳ томонидан ёхуд шундай гуруҳ манфаати учун содир этилган йирик миқдордаги фирибгарлик энг кам ойлик иш ҳақининг 400 бараваридан 600 бараваригача жарима ёки 8 йилдан 10 йилгача озодликдан маҳрум этиш жазо чорасини қуллашга сабаб бўлади. 

Етказилган зарар қайтарилганда эркинликни чеклаш ва озодликдан маҳрум этиш жазолари қўлланилмайди. 


 

Кун янгиликлари
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 33942 Жамият
Қўшимча-контракт асосида ўқишни истайдиганлар нима қилиши керак?
11:30 / 18.08.2017 72105 Ўзбекистон
Миллий бренд — Fratelli Casa кийимларининг тарихи, бугунги ютуқлари ва келажак режалари ҳақида
11:05 / 18.08.2017 10423 Жамият
Судьянинг нохолислиги ёки давлат телеканалининг “шохи” борми?
19:21 / 17.08.2017 135971 Жамият
Бундеслига. «Лейпциг» «Шальке»дан мағлуб бўлди
00:26 236 Спорт
KUN.UZ Тошкент вилоятига ташриф буюради. Савол ва таклифлар қабул қилинмоқда
Барча замонларнинг энг яхши қора танли спортчилари рўйхати тузилди
23:56 / 19.08.2017 2375 Спорт
АПЛ. «Арсенал» мағлубиятга учради
23:50 / 19.08.2017 990 Спорт
Месси ҳам «Барселона»ни тарк этиши мумкин
23:30 / 19.08.2017 6025 Спорт
Эрдўған Германия ташқи ишлар вазирига “жойини билишни” маслаҳат қилди
23:17 / 19.08.2017 2614 Жаҳон
Кўпроқ янгиликлар