Сўровнома: Истеъмолчилар Ўзбекистондаги интернет сифатига баҳо беришди

Технология 29 Декабрь 2016 27464
Фото: Glowing-global.co.uk

Сайтимизда “Uzonline” интернет провайдерининг хизмат кўрсатиш сифати ҳақида “Мижоз эмас, “Uzonline” ҳар доим ҳақми? номли танқидий мақола эълон қилинганди. Шундан сўнг, “Ўзтелеком” компаниясининг жавоб мактуби ҳам ўқувчилар эътиборига ҳавола қилинди

Kun.uz сайти таҳририяти ўз мақоласининг холислигини рақамлар билан тасдиқлаш ҳамда мантиқий давоми, шунингдек, Ўзбекистондаги интернет сифатига ойдинлик киритиш мақсадида сайт ўқувчилари ва Телеграм тармоғидаги обуначилари орасида “Uzonline” провайдерининг хизмат сифати сизни қониқтирадими?, деган мавзуда ижтимоий сўров ўтказишга қарор қилди.

Қуйида унинг натижаларини эълон қиламиз. Унга кўра, сўровда 6692 киши иштирок этган. Уларнинг  73.67 фоизи “Uzonline” интернет провайдери кўрсатаётган хизмат сифатидан қониқмаслигини билдирган. 13.81 фоиз киши кўнгли тўқлигини таъкидлаган. Бошқа провайдер хизматидан фойдаланишини ва ундаги хизмат сифати яхши эканини 5,42 фоиз одам маълум қилган. Сўровномада иштирок этганларнинг 3,67 фоизи бошқа провайдердан фойдаланиши маълум бўлган, бироқ, уларда ҳам хизмат кўрсатиш қониқарли эмаслиги таъкидланган. 3.43 фоизи бу борада бетараф қолган.

Мазкур сўровномадан ҳам кўриниб турибдики, Ўзбекистондаги аксарият интернет фойдаланувчилари “Ўзтелеком” АКнинг “Uzonline” интернет провайдери хизматидан фойдаланади.

Шу билан бирга, қайд этиш ўринлики, “Ўзтелеком” АК томонидан йўлланган жавоб мактубида 2016 йилда кўрсатилган ва амалга оширилаётган ишлар, режалар хусусида батафсил ахборот берилганди. Албатта, ундаги рақамлардан компания томонидан Ўзбекистонда ахборот ва телекоммуникация техонологияларини жорий қилиш, ривожлантириш, аҳолининг интернетга уланишини таъминлаш борасида катта ишлар амалга оширилаётганига гувоҳ бўлиш мумкин. 

Бироқ, мамлакат раҳбарияти томонидан Ўзбекистонда олиб борилаётган ислоҳотларни жадал ривожлантириш бўйича янги талаблар илгари сурилаётгани ҳам сир эмас. Хусусан, Ўзбекистон Президенти Шавкат Мирзиёев Халқ депутатлари Самарқанд вилояти кенгашининг навбатдан ташқари сессиясида қилган маърузасида замон ўзгараётгани, одамларнинг талаби ортаётганини таъкидлаб, шунга кўра, раҳбарлар, мутасадди ташкилотлар раҳбарлари, ҳамма ўзгариши кераклигини қайд этган эди. 

Қолаверса, Шавкат Мирзиёев 2016 йил 14 декабрдаги ўз лавозимига киришиш тантанали маросимида сўзлаган маърузасида, эндиликда, вазирлик ва идоралар, хўжалик бирлашмалари ва ҳокимликлар раҳбарларининг иш самарадорлиги қуруқ рақамлар билан эмас, балки уларнинг фуқаролар муаммоларини қай даражада ҳал этаётгани билан баҳолаш тамойили йўлга қўйилишини билдирганди. 

Шунга кўра, “Ўзтелеком” АК келгуси 2017 йилда ўз олдига қўйган режа ва мақсадларини аъло даражада уддалашига, мижозларга кўрсатилаётган хизматлар сифатини янада оширишига умид қилиб қоламиз.

Кун янгиликлари
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 9710 Ўзбекистон
«Биринчи зарбада тиззаларигача, иккинчи зарбада белларигача». Лотин ва кирилл атрофидаги гаплар
17:30 / 16.08.2017 45156 Ўзбекистон
Кун.uz офис изламоқда
15:48 / 06.08.2017 40796 Lifestyle
Бухоро вилоят ҳокими ичимлик суви ва бозорлардаги гўшт таъминоти юзасидан баёнот берди
17 ёшли онанинг 2 ёшли боласини машинада қолдириши ҳалокатли якун топди
Ўқишга кира олмадингизми? Ташвишланманг, талаба бўлишингиз мумкин 
16:32 2513 Жамият
Етакчи брендлар Франкфуртдаги мотор-шоуда қатнашишдан воз кечишди
16:08 498 Жамият
Конте ва «Челси» раҳбарияти ўртасидаги тушунмовчилик тафсилотлари маълум қилинди
16:03 1516 Спорт
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 3541 Жамият
"Одноклассники" кайфият улашувчи сервисини ишга туширди
Кўпроқ янгиликлар