Порошенко янги корхоналарни молиявий текширувлардан озод қилди

Жаҳон 30 Декабрь 2016 3573
Фото: President.gov.ua

Украина президенти Петро Порошенко мамлакатнинг Солиқ кодексига ўзгартириш киритишга доир қонунни имзолади. Бу ўзгаришлар бизнесни юритишда енгиллик пайдо қилиш ҳамда давлатдаги инвестицион иқлимни яхшилашга қаратилган. Бу ҳақида Украина президенти маъмуриятининг матбуот хизматида хабар берилди. 

Порошенконинг сўзларига кўра, мазкур қонуннинг қабул қилиниши муносабати билан туман даражасидаги солиқ инспекциялари назорат ва текширув органларидан маслаҳат органларига айлантирилади. Бу унинг фикрича, корхоналар ва солиқ инспекцияларига нисбатан коррупцион схемаларни бартараф қилади. Бундан буён солиқ инспекциясининг назорат функциялари фақат минтақавий даражада қолади. 

"Украина Солиқ кодексига ўзгартиришлар киритиш тўғрисида"ги қонунга мувофиқ янги ташкил этилган, 3 миллион гривендан (111,1 минг доллар) кам айланмага эга корхоналар уч йил муддатга ҳар қандай текширувлардан озод қилинади. 

Давлат раҳбари мазкур қонун асосида амалга ошириладиган ишлар мамлакатдаги инвестицион иқлимни сезиларли даражада яхшилашига умид қилмоқда. 

Юқори раданинг солиқ ва бож сиёсати масалалари бўйича қўмита раиси Нина Южанинанинг билдиришича, бизнеснинг соядан чиқиши учун махсус механизмлар яратилмоқда. 

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 7522 Lifestyle
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 8803 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 9587 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 34505 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 51522 Жамият
Тошкент вилояти аграрчилари қишлоқ хўжалиги техникаси билан таъминланади
Ўзбекистонлик йигит АҚШдаги фильмлар танловида ғолиб бўлди
Адлия вазири Навоий вилоятида сайёр қабуллар ўтказди 
«Барселона» Коутиньони трансфер қилиш режасидан воз кечди
11:56 335 Спорт
Трамп Вашингтоннинг бошқа давлатлар тузумларини ўзгартиришини танқид қилди
11:46 676 Жаҳон
Кўпроқ янгиликлар