Ўзбекистон 2017 йилда айрим солиқ ставкаларини сақлаб қолди

Ўзбекистон 04 Январь 2017 34186

Ўзбекистон Президентининг 2016 йил 27 декабрдаги «Ўзбекистон Республикаси Давлат бюджетининг 2017 йилдаги асосий макроиқтисодий кўрсаткичлари ва параметрлари прогнози тўғрисида»ги қарорига мувофиқ, даромад ва қўшимча қиймат солиғи учун ўтган йилги солиқ ставкаси сақлаб қолинган. Шунингдек, ягона солиқ тўлови, ягона ижтимоий тўлов ва жисмоний шахслар даромадига солинадиган солиқ миқдори ўзгартирилмаган. Бу ҳақда Nuz.uz хабар қилмоқда.

Ҳужжатга кўра, 2017 йилда Ўзбекистондаги қўшимча қиймат солиғи 20 фоизлик миқдорда сақлаб қолинган. 

Юридик шахсларнинг даромадига солинадиган асосий фоиз ставкаси 7,5 фоизда, тижорат банклари учун – 15 фоизлик кўрсаткичдан ўзгартирилмаган. Кимошди савдолари ва оммавий-кўнгилочар томошалари ўтказадиган юридик шахслар учун солиқ миқдори 35 фоизни ташкил этади. 

Жисмоний шахслар учун даромад солиғи солиқ солишнинг иккинчи шкаласи бўйича 7,5 фоиз даражада сақлаб қолинган. Бунда жисмоний шахслар солиқ солинадиган даромадларининг барча гуруҳлари бўйича шкаласи йил бошидаги энг кам ойлик иш ҳақи — 149775 сўмдан келиб чиққан ҳолда белгиланади ва бу йил давомида энг кам ойлик иш ҳақи ўзгаришидан қатъи назар бир хил қолади. 

2017 йилда иқтисодиётнинг барча соҳаларидаги микрофирма ва кичик корхоналари учун ягона солиқ тўлови 5 фоизни ташкил этади. Фақатгина ломбардлар (30 фоиз) ҳамда оммавий-кўнгилочар томошаларни ташкил этишдан даромад қилувчи юридик шахслар (33фоиз) истисно қилинади. 

Бундан ташқари, микрофирмалар ва кичик корхоналар, фермер хўжаликларининг ягона ижтимоий тўлов миқдори ҳам 15 фоизлик миқдорида сақлаб қолинган. Бошқа солиқ тўловчилар учун бу рақам 25 фоизни ташкил этади. 

Расмий прогнозга кўра, 2017 йилда Ўзбекистон иқтисодиёти учун солиқ юки Ялпи ички маҳсулотга нисбатан 18,9 фоизга пасаяди. 2016 йилда бу кўрсаткич 20,2 фоизни ташкил этган.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 72116 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37430 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21696 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81691 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 62041 Жамият
Forbes: Бой бўлишдан уялмаган Малкольм Форбс
01:13 2045 Lifestyle
Зидан ҳеч қандай музокараларсиз «Реал» билан шартномани узайтиради
00:53 1382 Спорт
Бразилияда бортида 70 киши бўлган паром чўкиб кетди
00:20 1155 Жаҳон
Германиядаги йўл-транспорт ҳодисасида 44 руминиялик жабрланди
00:17 489 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 853 Маданият
Кўпроқ янгиликлар