ФИФА президенти ЖЧ иштирокчилари сони оширилишига изоҳ берди

Спорт 11 Январь 2017 9789

Жаҳон чемпионати иштирокчилари сони оширилиши турнирнинг томошабоплигини оширади. Бу фикр ушбу ғоя ташаббускори, ФИФАнинг амалдаги президенти Жанни Инфантино томонидан айтилди. Унинг сўзлари BBC News томонидан келтирилган.

«Бу фақатгина футбол нуқтаи назаридан қабул қилинган қарор, биз шундоқ ҳам молиявий жиҳатдан яхши ҳолатдамиз. Бу тарихий қарор. Ўтган мундиалларда Коста-Рика Италия ва Англияни енгганди. Мундиалда бу ишни такрорлаши мумкин бўлган бошқа жамоалар ҳам бор. Кўплаб терма жамоалар учун саралашдан ўтиш имконияти кенгаяди ва улар футболни ривожлантиришга эътиборни кучайтиришади», — деган Инфантино.

У шунингдек, ЖЧ иштирокчилари сони оширилиши клубларнинг норозилигига сабаб бўлаётганига муносабат билдириб ўтган.

«Мен клубларнинг фикрини қадрлайман. Биз турнир тақвимига тегинмаймиз, жаҳон чемпионати кунлари футболчиларга ортиқча жисмоний босим юкламайди. Турнир ҳозиргидаги каби 32 кун давомида ўтказилади. Финалгача йўлда терма жамоалар максимум 7та учрашув ўтказади. Турнир ўйинлари ҳозиргидаги каби 12 стадионда қабул қилинади. Бу орқали биз кўпларнинг орзусини рўёбга чиқаришимиз мумкин», — деган ФИФА президенти.

Инфантино шунингдек, Европа чемпионатида иштирокчилар сони 16тадан 24тага оширилгани турнир томошабоплигини оширгани ҳақида қайд этиб ўтган.

«Евро-2016 тарихдаги энг қизиқ турнир бўлди. Барча жамоалар ўз имкониятларига ишонган ҳолда, бутунлай бошқача кайфиятда ўйинларни ўтказишди. Турнирдаги баъзи жамоалар илк марта шундай катта мусобақага келганди. Биз Уэльс, Исландия, Шимолий Ирландия каби терма жамоаларнинг гуруҳ босқичидан чиққанини кўрдик. Мен ишонаманки, жаҳон биринчилигига қизиқиш ҳам шу қадар юқори бўлади», — дея қўшимча қилган спорт амалдори.

10 январь куни ФИФА кенгаши 2026 йилдан бошлаб жаҳон чемпионати иштирокчиларини 48тага етказиш ҳақида қарор қабул қилди. Жамоалар 3тадан 16 гуруҳга бўлинади. Кейинги босқичга 2тадан жамоа чиқади. Турнирда Европага 16, Африкадан 9,5, Осиёга 8,5, Шимолий ва Жанубий Америкага 6тадан, Океанияга битта ўрин берилиши кутилмоқда.

2026 йилги жаҳон чемпионати мезбони ҳали аниқланмаган. Ҳозирда мезбонлик ҳуқуқи учун АҚШ, Ҳиндистон, Хитой, Эквадор, Боливия, Перу, Парагвай, Янги Зеландия ва Канада каби терма жамоалар даъвогар бўлиб турибди.

Охирги марта жаҳон чемпионати иштирокчилари сони 1998 йилги мундиалдан олдин, 24тадан 32тага оширилганди.

Кун янгиликлари
Ҳурматли абитуриентлар, сизнинг ҳали Олий ўқув юртига ўқишга кириш имкониятингиз бор!
09:55 20300 Lifestyle
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 23678 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 12126 Жамият
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 / 21.08.2017 13111 Жамият
Ўзбекистон қачонгача ривожланаётган давлатлар қаторида қолади?
16:20 / 21.08.2017 42391 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 53525 Жамият
Кун.uz офис изламоқда
15:48 / 06.08.2017 48049 Lifestyle
ОАВ: Барселонадаги теракт ижрочиси ҳужумдан 4 кун аввал Парижга борган
17:59 297 Жаҳон
Мактаб ва поликлиникалардаги бухгалтериялар қисқартирилади
17:57 752 Жамият
КХДР Гуам оролига уюштириладиган тахминий ҳужум  видеосини тақдим этди
17:55 729 Жаҳон
Кўпроқ янгиликлар